ജോര്ജിയയില് ചെറുവിമാനം തകര്ന്ന് വീണു; അഞ്ച് മരണം
തിബ്ലിസി : ജോര്ജിയക്ക് സമീപം വിമാനം തകര്ന്ന് വീണ് അഞ്ച് പേര് മരിച്ചു. വിമാനത്തിലുണ്ടായിരുന്ന നാല് യാത്രികരും പൈലറ്റും അപകടത്തെ തുടര്ന്ന് മരിക്കുകയായിരുന്നു. മരണാനന്തരച്ചടങ്ങില് പങ്കെടുക്കാന് ഇന്ത്യാനയിലേക്ക് പോയവരാണ് അപകടത്തില് പെട്ടത്.
ഫ്ളോറിഡ മോറിസ്റ്റണ് സ്വദേശി ലാറി റേ പ്രൂയിറ്റ്(67), ഗൈനസ് വില്ലെ സ്വദേശി ഷോണ് ചാള്സ് ലാമന്റ് (41), ഷോണിന്റെ ഭാര്യ ജോഡി റേ ലാമന്റ് (43), ഇവരുടെ മക്കളായ ജെയ്സ്(6), ആലിസ്(4) എന്നിവരാണ് മരിച്ചത്. സൗത്ത് ഈസ്റ്റ് അറ്റ്ലാന്റയില് നിന്ന് 161 കിലോമീറ്റര് അകലെയാണ് അപകടമുണ്ടായത്.
വിമാനം തകര്ന്നു വീഴുന്നതിന് മുമ്പ് തീപിടിച്ചതായി സംഭവസ്ഥലത്തിന് സമീപത്ത് താമസിക്കുന്നയാള് അറിയിച്ചു. വിമാനം തകര്ന്നു വീണതിനെ തുടര്ന്ന് വനപ്രദേശത്തുണ്ടായ തീപിടിത്തമണയ്ക്കാന് ശ്രമം തുടരുകയാണ്.