കെ.എസ്.ആര്.ടി.സി വിദ്യാര്ത്ഥികള്ക്കുള്ള കണ്സെഷന് ടിക്കറ്റ് നിര്ത്തിവെച്ചു
തിരുവനന്തപുരം > വിദ്യാര്ത്ഥികളുടെ യാത്രാവകാശത്തെ ഇല്ലാതാക്കുന്ന കെഎസ്ആര്ടിസി മാനേജ്മെന്റിന്റെ തീരുമാനം പ്രതിഷേധാര്ഹമാണെന്ന് എസ്എഫ്ഐ. നിരവധിയായ സമരങ്ങളിലൂടെ വിദ്യാര്ത്ഥി സമൂഹം നേടിയെടുത്തതാണ് യാത്രാവകാശം. കണ്സഷന് ഭാരം താങ്ങാനാകുന്നില്ലെന്ന വാദത്തിന്മേല് കെട്ടിക്കിടക്കുന്ന ആറായിരത്തിലധികം അപേക്ഷകളിന്മേല് പുതുതായി കണ്സഷന് അനുവദിക്കില്ലെന്ന കെഎസ്ആര്ടിസി നിലപാട് തിരുത്തണം.
വിദ്യാര്ത്ഥി കണ്സഷനുമായി ബന്ധപ്പെട്ട സര്ക്കാര് നിലപാടിനു വിരുദ്ധമായി കെഎസ്ആര്ടിസി മാനേജ്മെന്റ് സ്വയം എടുക്കുന്ന ഈ നിലപാട് അംഗീകാരിക്കാനാവില്ല. വിഷയത്തില് സര്ക്കാര് അടിയന്തിരമായി ഇടപെടണമെന്നും കണ്സഷന് പുതുതായി അനുവദിക്കില്ലെന്ന തീരുമാനം പിന്വലിച്ചില്ലെങ്കില് ശക്തമായ വിദ്യാര്ത്ഥി പ്രതിഷേധമുയര്ത്തുമെന്നും എസ്എഫ്ഐ സംസ്ഥാന പ്രസിഡന്റ് വി എ വിനീഷ്, സംസ്ഥാന സെക്രട്ടറി കെ എം സച്ചിന് ദേവ് എന്നിവര് പ്രസ്താവനയിലൂടെ അറിയിച്ചു.