ലാവ്ലിന് കേസ് പരിഗണിക്കുന്ന സുപ്രീം കോടതി ബെഞ്ചില് മാറ്റം
ന്യൂഡല്ഹി: എസ്എന്സി ലാവ്ലിന് കേസില് പിണറായി വിജയനെ പ്രതി പട്ടികയില് നിന്ന് ഒഴിവാക്കിയതിനെതിരെ സിബിഐ നല്കിയ ഹര്ജി പരിഗണിക്കുന്ന സുപ്രീം കോടതിയിലെ ബെഞ്ചില് മാറ്റം. ജസ്റ്റീസ് യു.യു. ലളിത് അധ്യക്ഷനായ ബെഞ്ചില് ജസ്റ്റീസുമാരായ ഇന്ദിരാ ബാനര്ജി, കെ.എം. ജോസഫ് എന്നിവരെയാണ് പുതുതായി ഉള്പ്പെടുത്തിയിരിക്കുന്നത്.
ജസ്റ്റീസുമാരായ ഹേമന്ദ് ഗുപ്തക്കും രവീന്ദ്ര ഭട്ടിനും പകരമാണ് ഇത്. ചൊവ്വാഴ്ചയാണ് എസ്എന്സി ലാവ്ലിന് കേസ് സുപ്രീം കോടതി ഇനി പരിഗണിക്കുന്നത്.
പിണറായി വിജയനെയും രണ്ട് ഉദ്യോഗസ്ഥരെയും കുറ്റവിമുക്തരാക്കിയ ഹൈക്കോടതി വിധി ചോദ്യം ചെയ്ത് സിബിഐയാണ് സുപ്രീംകോടതിയെ സമീപിച്ചിരിക്കുന്നത്.