നെയ്യാറ്റിന്കരയിലെ തര്ക്കഭൂമി വിലയ്ക്ക് വാങ്ങി വ്യവസായി ബോബി ചെമ്മണ്ണൂര്
നെയ്യാറ്റിന്കരയില് ദമ്ബതികളുടെ മരണത്തിന് ഇടയാക്കിയ തര്ക്കഭൂമി ഉടമയുടെ കയ്യില് നിന്നും വിലയ്ക്ക് വാങ്ങി വ്യവസായിയായ ബോബി ചെമ്മണ്ണൂര്. ഇന്ന് വൈകുന്നേരത്തോടെ ഭൂമിയുടെ രേഖകള് രാജന്റെയും അമ്ബിളിയുടെയും കുട്ടികള്ക്ക് ബോബി ചെമ്മണ്ണൂര് കൈമാറും.
വാങ്ങിയ സ്ഥലത്ത് പുതിയ വീട് ബോബി ചെമ്മണ്ണൂര് നിര്മ്മിച്ചു നല്കുമെന്നും, ഒപ്പം വീടിന്്റെ പണി തീരുന്നത് വരെ കുട്ടികളുടെ സംരക്ഷണവും ബോബി ചെമ്മണ്ണൂര് ഏറ്റെടുക്കുമെന്നുമാണ് റിപ്പോര്ട്ടുകള്.
നെയ്യാറ്റിന്കര നെല്ലിമൂട് പോങ്ങില് നെട്ടതോട്ടത്തെ തര്ക്കഭൂമിയില് ഒഴിപ്പിക്കല് നടപടിക്കിടെയാണ് രാജന് ഭാര്യ അമ്ബിളിയെ ചേര്ത്തുപിടിച്ച് തീകൊളുത്തിയത്. മെഡിക്കല് കോളജ് ആശുപത്രിയില് ചികിത്സയിലിരിക്കെയാണ് ഇരുവരും മരിച്ചത്.
സംഭവം നടന്നത് 22- നാണ്. മൂന്ന് സെന്റ് ഭൂമിയില് ഷെഡ് കെട്ടിയാണ് രാജനും ഭാര്യയും രണ്ട് ആണ് മക്കളുമടങ്ങുന്ന കുടുംബം താമസിച്ചിരുന്നത്. രാജന് ഭൂമി കൈയേയ്യേറിയെന്നാരോപിച്ച് അയല്വാസി വസന്ത മുന്സിഫ് കോടതിയില് കേസ് നല്കിയിരുന്നു. ആറ് മാസം മുമ്ബ് രാജനെതിരെ കോടതി വിധി പറഞ്ഞു. കോടതി ഉത്തരവിനെത്തുടര്ന്ന് കുടിയൊഴിപ്പിക്കാനായി പൊലീസ് വീട്ടിലെത്തിയപ്പോള് കുടിയൊഴിപ്പിക്കല് തടയാനായി രാജന് ഭാര്യയെ ചേര്ത്തുപിടിച്ച് പെട്രോള് ഒഴിച്ച് ആത്മഹത്യ ഭീഷണി മുഴക്കുകയായിരുന്നു. രാജന് കത്തിച്ച ലൈറ്റര് പൊലീസ് തട്ടിമാറ്റുന്നതിനിടെ തീ പടരുകയായിരുന്നു.