ലാസ്യം, നടനം; നവമാധ്യമങ്ങളില്‍ ശ്രദ്ധേയമായി ഭരതനാട്യ ചുവടുകള്‍
നവമാധ്യമങ്ങളില്‍ വൈറലായി ഒരു ക്ലാസിക്കല്‍ നൃത്ത വീഡിയോ. അനൂപ് ശങ്കറിന്റെ 'ചന്ദ്രചൂഢ ശിവശങ്കര' എന്ന ഗാനത്തിനായി രണ്ട് പെണ്‍കുട്ടികള്‍ വച്ച ചുവടുകളാണ് ലോക്ക് ഡൗണ്‍ കാലത്ത് കണ്ണിന് കുളിര്‍മയേകുന്നത്. ലക്ഷ്മിപ്രിയ. പി, ചിന്മയ വി. ആര്‍ എന്നീ കലാകാരികളാണ് വീഡിയോയില്‍ ചുവടു വയ്ക്കുന്നത്. കോഴിക്കോട് ജില്ലയിലെ മുചുകുന്നില്‍ സ്ഥിതി ചെയ്യുന്ന എടമന ഇല്ലമാണ് നൃത്തച്ചുവടുകള്‍ക്ക് വേദിയായത്. ഇന്നും സംരക്ഷിക്കപ്പെടുന്ന, നാനൂറിലേറെ വര്‍ഷം പഴക്കമുള്ള അപൂര്‍വ്വമായ ഇല്ലങ്ങളിലൊന്നാണ് ഇത്.
വീഡിയോ കാണാം:
Youtube Link : https://youtu.be/LItfZe2iIwc
മുചുകുന്ന് മാവുന്നംകണ്ടി വീട്ടില്‍ പ്രകാശന്റെയും വിനോദിനിയുടെയും മകളായ ലക്ഷ്മിപ്രിയ ഒപ്‌റ്റോമെട്രിസ്റ്റ് ആണ്. 23 വര്‍ഷത്തോളമായി നൃത്തരംഗത്തുള്ള ഈ കലാകാരി മുചുകുന്നിലെ 'ലയം സ്‌കൂള്‍ ഓഫ് ഡാന്‍സി'ന്റെ അമരക്കാരി കൂടിയാണ്. ലക്ഷ്മിപ്രിയയുടെ ശിക്ഷണത്തിലാണ് ചിന്മയ നൃത്തം അഭ്യസിച്ചത്. മുചുകുന്ന് പഴയതെരുവത്ത് രാധാകൃഷ്ണന്റെയും വനജയുടെയും മകളാണ് ചിന്മയ. പത്തു വര്‍ഷത്തോളമായി നൃത്തരംഗത്തുള്ള ഈ കലാകാരി പ്ലസ് വണ്‍ വിദ്യാര്‍ത്ഥിനിയാണ്.
Related News