വിശ്വാസവോട്ടില് ജയിച്ച് യെഡിയൂരപ്പ
കർണാടക: കർണാടകയിൽ ബി.എസ്.യെഡിയൂരപ്പ സർക്കാർ നിയമസഭയില് വിശ്വാസവോട്ട് നേടി ഭൂരിപക്ഷം തെളിയിച്ചു. ശബ്ദവോട്ടോടെയാണ് വിശ്വാസ പ്രമേയം പാസായത്. കേവല ഭൂരിപക്ഷത്തിനു 104 അംഗങ്ങളുടെ പിന്തുണ മതിയായിരുന്നു. ഒരു സ്വതന്ത്രനടക്കം 106 അംഗങ്ങളുടെ പിന്തുണയാണ് ബിജെപിക്ക് ഉണ്ടായിരുന്നത്. വരള്ച്ച , കര്ഷകപ്രശ്നങ്ങള് എന്നിവയ്ക്ക് സര്ക്കാര് പ്രാധാന്യം നല്കുമെന്നും പ്രതിപക്ഷത്തോട് ഒപ്പം നില്ക്കുമെന്നും വിശ്വാസപ്രമേയം അവതരിപ്പിച്ച് യെഡിയൂരപ്പ പറഞ്ഞു.
ബിജെപി ഭരണഘടനാ വിരുദ്ധമായാണ് സര്ക്കാർ രൂപീകരിച്ചതെന്ന് വിശ്വാസപ്രമേയത്തെ എതിര്ത്ത സിദ്ധരാമയ്യ തുറന്നടിച്ചു. അതേസമയം വിമത എം.എല്.എമാരില് അഞ്ചുപേര് മുംബൈയില് നിന്ന് ബെംഗളൂരുവില് മടങ്ങിയെത്തി. അയോഗ്യരാക്കിയതിനെതിരെ നിയമയുദ്ധം തുടരുമെന്ന് വിമത എംഎല്എ എസ്.ടി.സോമശേഖരന് പറഞ്ഞു.