സംസ്ഥാനത്ത് ഒരു കൊവിഡ് മരണം കൂടി: മരിച്ചത് തൃശൂര് സ്വദേശി
തൃശൂര്: സംസ്ഥാനത്ത് വീണ്ടും കൊവിഡ് മരണം. തൃശൂര് ഏങ്ങണ്ടിയൂര് സ്വദേശിയായ 87 കുമാരനാണ് രോഗം മൂലം മരണമടഞ്ഞത്. ഇതോടെ സംസ്ഥാനത്ത് കൊവിഡ് മൂലം മരിച്ചവരുടെ എണ്ണം 16 ആയി. ശ്വാസം മുട്ടല് ഉണ്ടായതിനെ തുടര്ന്ന് സ്വകാര്യ ആശുപത്രിയില് ചികിത്സയിലായിരുന്നു മരിച്ചയാള്.
കുമാരന് നേരത്തെ തന്നെ രോഗം സ്ഥിരീകരിച്ചിരുന്നു. ഈ സാഹചര്യത്തില് ആശുപത്രിയിലെ ഡോക്ടര്മാര് ഉള്പ്പടെ നീരിക്ഷണത്തില് തുടരും. കേരളത്തില് ഇന്ന് 107 പേര്ക്ക് കൊവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു.
മലപ്പുറം ജില്ലയില് നിന്നുള്ള 27 പേര്ക്കും, തൃശൂര് ജില്ലയില് നിന്നുള്ള 26 പേര്ക്കും, പത്തനംതിട്ട ജില്ലയില് നിന്നുള്ള 13 പേര്ക്കും, കൊല്ലം ജില്ലയില് നിന്നുള്ള 9 പേര്ക്കും, ആലപ്പുഴ ജില്ലയില് നിന്നുള്ള 7 പേര്ക്കും, പാലക്കാട്, കോഴിക്കോട് ജില്ലകളില് നിന്നുള്ള 6 പേര്ക്ക് വീതവും, തിരുവനന്തപുരം ജില്ലയില് നിന്നുള്ള 4 പേര്ക്കും, കോട്ടയം , കാസര്കോട് ജില്ലകളില് നിന്നുള്ള 3 പേര്ക്ക് വീതവും, കണ്ണൂര് ജില്ലയില് നിന്നുള്ള 2 പേര്ക്കും, ഇടുക്കി ജില്ലയില് നിന്നുള്ള ഒരാള്ക്കുമാണ് രോഗം സ്ഥിരീകരിച്ചത്.