രാജ്യത്ത് കോവാക്‌സിന്‍ സ്വീകരിച്ച യുവാവിന് രോഗം കണ്ടെത്തി

Ajith.A

22 November 2020 10:20 AM

ഇന്ത്യയിലെ വാക്‌സിനായ 'കോവാക്‌സിന്റെ' ട്രയല്‍ വിവാദത്തില്‍. വാക്‌സിന്‍ സ്വീകരിച്ച യുവാവിനു ഗുരുതര രോഗം കണ്ടെത്തിയിട്ടും പരീക്ഷണം നിര്‍ത്തിവയ്ക്കാതിരുന്നതാണു വിവാദങ്ങള്‍ക്ക് വഴിവച്ചത്. ഹൈദരാബാദിലെ ഭാരത് ബയോടെക്കാണ് കോവാക്‌സിന്‍ കണ്ടെത്തിയത്.

ഓഗസ്റ്റില്‍ നടന്ന ആദ്യ ട്രയലില്‍ വാക്‌സീന്‍ സ്വീകരിച്ച മുപ്പത്തിയഞ്ചുകാരന്‍ രണ്ട് ദിവസത്തിനുള്ളില്‍ ന്യൂമോണിയ ബാധിച്ചു ആശുപത്രിയിലായി. ഒരാഴ്ചയ്ക്കുള്ളില്‍ ആശുപത്രി വിടുകയും ചെയ്തു. ഇയാള്‍ക്കു നേരത്തേ മറ്റു പ്രശ്‌നങ്ങള്‍ ഉണ്ടായിരുന്നില്ല. എന്നിട്ടും അസുഖത്തിന് കാരണമായതിനെ കുറിച്ച്‌ പരിശോധനകള്‍ നടത്താനായി വാക്‌സിന്‍ പരീക്ഷണം നിര്‍ത്തിവയ്ക്കാതിരുന്നത് അധികൃതരുടെ ഭാഗത്ത് നിന്നുണ്ടായ ഗുരുതര വീഴ്ചയായാണ് വിലയിരുത്തുന്നത്.