കൈറ്റ് വിക്ടേഴ്‌സിൽ ഇന്നുമുതൽ ‘സ്‌പേസ് വീക്ക്’ പ്രത്യേക പരിപാടികൾ

News Desk

06 October 2023 04:55 PM

അന്താരാഷ്ട്ര സ്‌പേസ് വാരത്തോട് അനുബന്ധിച്ച് കൈറ്റ് വിക്ടേഴ്‌സ് ചാനലിൽ ശനി, ഞായർ, തിങ്കൾ ദിവസങ്ങളിൽ വൈകുന്നേരം 6.30 ന് പ്രത്യേക അഭിമുഖ പരിപാടി ഉണ്ടായിരിക്കും. നമ്മുടെ പ്രപഞ്ചത്തിന്റെ ഉത്ഭവവും അതിലേക്കുള്ള അന്വേഷണങ്ങൾക്ക് ശാസ്ത്രലോകം നൽകിയ സംഭാവനകളെയുമാണ് ഈ പരിപാടിയിൽ ഉൾപ്പെടുത്തിയിരിക്കുന്നത്.

ഒക്ടോബർഏഴിന് ഡോ. എസ്. ഉണ്ണികൃഷ്ണൻ നായർ (ഡയറക്ടർ, വിക്രം സാരാഭായ് സ്‌പേസ് സെന്റർ), ഒക്ടോബർ എട്ടിന് ഡോ. പത്മകുമാർ ഇ.എസ്. (ഡയറക്ടർ, ഇനർഷ്യൽ സിസ്റ്റം യൂണിറ്റ്), ഒക്ടോബർ ഒൻപതിന് ഡോ. വി. നാരായണൻ (ഡയറക്ടർ, ലിക്വിഡ് പ്രൊപ്പൽഷൻ സിസ്റ്റംസ് സെന്റർ) എന്നിവരാണ് പരിപാടിയിൽ പങ്കെടുക്കുന്നത്. പുനസംപ്രേഷണം അടുത്ത ദിവസം രാവിലെ 7.30 ന്. തൽസമയം www.victers.kite.kerala.gov.in ലും തൊട്ടടുത്ത ദിവസം മുതൽ www.youtube.com/itsvicters ലും ലഭ്യമാണ്.