പാഴ്‌വസ്തുക്കൾ കളിപ്പാട്ടങ്ങളാക്കാം; ടോയ്ക്കത്തോൺ മത്സരം
പാഴ്‌വസ്തുക്കൾ ഉപയോഗിച്ച് കരകൗശല വസ്തുക്കളും കളിപ്പാട്ടങ്ങളും നിർമിക്കുന്നത് പ്രോത്സാഹിപ്പിക്കാനും പഴയ കളിപ്പാട്ടങ്ങൾ നവീകരിച്ചു പുതിയവയാക്കി പുനരുപയോഗം സാധ്യമാക്കാനും സ്വച്ഛ് ഭാരത് മിഷൻ ടോയ്ക്കത്തോൺ മത്സരം സംഘടിപ്പിക്കുന്നു. പുനരുപയോഗം പ്രോത്സാഹിപ്പിക്കുക, ഉപയോഗശൂന്യമായ വസ്തുക്കളെ പ്രയോജനപ്പെടുത്തി പ്രാദേശികമായി തന്നെ പുതിയ ഉൽപ്പന്നങ്ങളാക്കി മാറ്റുക, പുനരുപയോഗം വഴി മാലിന്യ ഉത്പാദനത്തിന്റെ അളവ് കുറയ്ക്കുക, സർക്കുലാർ-ഇക്കോണമി ആശയം പ്രചരിപ്പിക്കുക എന്നീ ലക്ഷ്യങ്ങളോടെയാണ് ടോയ്ക്കത്തോൺ സംഘടിപ്പിക്കുന്നത്. മത്സരത്തിൽ പങ്കെടുക്കാൻ ആഗ്രഹിക്കുന്നവർ innovativeindia.mygov.in എന്ന പോർട്ടൽ വഴി നവംബർ 11 നകം പേര് രജിസ്റ്റർ ചെയ്യണം. വ്യക്തികൾക്കും സംഘമായും രണ്ട് വിഭാഗങ്ങളിലായി മത്സരത്തിൽ പങ്കെടുക്കാം. മത്സരം സംബന്ധിച്ച വിശദാംശങ്ങൾ ശുചിത്വ മിഷൻ ഫേസ് ബുക്ക് പേജിൽ ലഭിക്കും. കേന്ദ്ര പാർപ്പിട നഗരകാര്യ മന്ത്രാലയം ഡിസംബറിൽ ദേശീയതലത്തിൽ സംഘടിപ്പിക്കുന്ന ചടങ്ങിൽ വിജയികൾക്ക് പുരസ്‌കാരങ്ങൾ നൽകും.
Related News
കൊച്ചിയിൽ അരുംകൊല; നവജാത ശിശുവിനെ ഫ്ലാറ്റിൽ നിന്ന് താഴേക്ക് എറിഞ്ഞുകൊന്നു
കൊല്ലത്ത് യുവാവിനെ ഹണിട്രാപ്പില്‍ കുടുക്കി പണവും സ്വര്‍ണവും കവര്‍ന്നു; നാലു പേര് അറസ്റ്റില്‍
സസ്പെൻസ് അവസാനിപ്പിച്ചു; റായ്ബറേലിയിൽ രാഹുൽ ഗാന്ധി കോൺഗ്രസ് സ്ഥാനാർത്ഥി
ഖാലിദ് റഹ്‌മാന്റെ സംവിധാനത്തിൽ നസ്ലെൻ, ഗണപതി, ലുക്ക്മാൻ എന്നീ തകർപ്പൻ താരനിരയുമായി പുതിയ സിനിമ
എസ്എന്‍സി ലാവ്‌ലിന്‍ കേസ് പരിഗണിക്കുന്നത് മാറ്റി; അന്തിമവാദം തുടങ്ങിയില്ല