സ്വകാര്യ ആശുപത്രിയില് കോവിഡ് വാക്സിന് 250 രൂപ
ന്യൂഡല്ഹി: രണ്ടാം ഘട്ട കോവിഡ് വാക്സിന് കുത്തിവയ്പ്പ് തിങ്കളാഴ്ച ആരംഭിക്കാനിരിക്കെ സ്വകാര്യ ആശുപത്രികളിലെ നിരക്ക് പ്രഖ്യാപിച്ച് കേന്ദ്രസര്ക്കാര്. 250 രൂപയാണ് ഒരു ഡോസ് വാക്സിന് സ്വകാര്യ ആശുപത്രികളില് ഈടാക്കുക.
ആശുപത്രികളിലെ സേവന നിരക്കായ 100 രൂപ അടക്കമാണ് ഇത്. വാക്സിന് നിര്മാതാക്കളുമായും സ്വകാര്യ ആശുപത്രികളുമായും ചര്ച്ച നടത്തിയ ശേഷമാണ് നിരക്ക് തീരുമാനിച്ചത്.
അതേസമയം സര്ക്കാര് കേന്ദ്രങ്ങളില് കുത്തിവയ്പ്പ് സൗജന്യമായിരിക്കും. 60 വയസ് കഴിഞ്ഞവര്ക്കും പ്രമേഹം, രക്തസമ്മര്ദം തുടങ്ങിയ അസുഖങ്ങളുള്ള 45-ന് മുകളില് പ്രായമുള്ളവര്ക്കുമാണ് രണ്ടാംഘട്ടത്തില് വാക്സിന് നല്കുക.