മഞ്ജു വാര്യർക്കെതിരായ അപകീർത്തി പരാമർശം; സംവിധായകൻ സനൽകുമാർ ശശിധരൻ കസ്റ്റഡിയിൽ
നടി മഞ്ജു വാര്യർക്കെതിരായ അപകീർത്തി പരാമർശവുമായി ബന്ധപ്പെട്ട കേസിൽ സംവിധായകൻ സനൽകുമാർ ശശിധരനെ പൊലീസ് കസ്റ്റഡിയിലെടുത്തു. മുംബൈയിൽ നിന്ന് കൊച്ചിയിലെത്തിച്ചാണ് കസ്റ്റഡിയിലെടുത്തത്. എളമക്കര പൊലീസാണ് സനൽകുമാറിനെ കസ്റ്റഡിയിലെടുത്തത്. കൂടുതൽ ചോദ്യം ചെയ്യാനാണ് പൊലീസ് നീക്കം.
നടിയുടെ പരാതിയിലല്ല പൊലീസ് കസ്റ്റഡിയിലെടുത്തതെന്ന് സംവിധായകൻ സനൽ കുമാർ ശശിധരൻ പ്രതികരിച്ചു. രണ്ട് പരാതിയും നടിയല്ല നൽകിയതെന്നും പരാതി കെട്ടിച്ചമച്ചതാണെന്നും സനൽ കുമാർ ശശിധരൻ പറഞ്ഞു.രണ്ട് കേസും കള്ളക്കേസാണ്. ഒരുമിച്ചിരുത്തി ചോദ്യം ചെയ്താൽ സത്യാവസ്ത പുറത്തു വരും. ഹേമ കമ്മിറ്റി റിപ്പോർട്ടിൽ പേരുള്ള ആളാണോ താനെന്ന് അന്വേഷിക്കണമെന്നും സംവിധായകൻ കൂട്ടിച്ചേർത്തു.
നടിയെ പരാമർശിച്ചും ടാഗ് ചെയ്തും സനൽകുമാർ ഒട്ടേറെ പോസ്റ്റുകൾ സമൂഹമാധ്യമങ്ങളിൽ പങ്കുവച്ചിരുന്നു. നടിയെ അപകീർത്തിപ്പെടുത്തുന്ന തരം പോസ്റ്റുകൾ ഫെയ്സ്ബുക്കിൽ നിന്നു നീക്കാൻ പൊലീസ് നടപടിയെടുത്തിരുന്നു. മുൻപു സനലിനെതിരെ നൽകിയ പരാതിയിൽ കേസ് നിലനിൽക്കെ, വീണ്ടും പിന്തുടർന്നു ശല്യം ചെയ്യുന്നുവെന്ന് ആരോപിച്ചാണു നടി വീണ്ടും പൊലീസിനെ സമീപിച്ചത്. 2022ൽ സനൽകുമാറിനെ പൊലീസ് അറസ്റ്റ് ചെയ്യുകയും കോടതിയിൽനിന്നു ജാമ്യം ലഭിക്കുകയും ചെയ്തിരുന്നു.
Related News
സെക്രട്ടേറിയറ്റിലേക്ക് കാർ ഓടിച്ചുകയറ്റിയ യുവാക്കൾ കസ്റ്റഡിയിൽ
വിമാന ടിക്കറ്റ് വില ഉയരും, ഇന്ധന സർചാർജ് ഏർപ്പെടുത്തി ഇൻഡിഗോ
40,000 കിലോലിറ്റർ അധിക മണ്ണെണ്ണ സംസ്ഥാനങ്ങൾക്ക് നല്കാന് കേന്ദ്ര സർക്കാർ
വാമനപുരത്തെ ഒരു വയസുകാരിയെ കഴുത്തുഞെരിച്ച് കൊന്നത് അമ്മ
