വാർഡ് പുനർവിഭജനം: കരട് വിജ്ഞാപനമായി
തദ്ദേശസ്ഥാപനങ്ങളുടെ വാർഡ് വിഭജനത്തിന്റെ കരട് വിജ്ഞാപനം പുറത്തിറക്കി. നിർദിഷ്ട വാർഡിന്റെ അതിർത്തികളും ജനസംഖ്യയും ഭൂപടവുമാണ് കരട് വിജ്ഞാപനത്തോടൊപ്പമുള്ളത്. തദ്ദേശസ്ഥാപനങ്ങളിലും കലക്ടറേറ്റുകളിലും ഡീലിമിറ്റേഷൻ കമീഷന്റെ https://www.delimitation.lsgkerala.gov.in എന്ന വെബ്സൈറ്റിലും കരട് വിജ്ഞാപനം ലഭിക്കും. ഇതിന്റെ പകർപ്പ് പേജ് ഒന്നിന് മൂന്ന് രൂപയും ജിഎസ്ടിയും നൽകിയാൽ ജനങ്ങൾക്കും ലഭിക്കും. ഡിസംബർ മൂന്നുവരെ ഇത് സംബന്ധിച്ച ആക്ഷേപങ്ങളും അഭിപ്രായങ്ങളും സമർപ്പിക്കാം.
2011ലെ സെൻസസ് അടിസ്ഥാനമാക്കി വാർഡുകളുടെ എണ്ണം പുതുക്കിയിരുന്നു. ഇതനുസരിച്ച് പഞ്ചായത്തുകളിൽ 1375 വാർഡും മുനിസിപ്പാലിറ്റികളിൽ 128 വാർഡും കോർപറേഷനുകളിൽ ഏഴ് വാർഡും പുതുതായി വരും. മൂന്ന് ഘട്ടങ്ങളിലായാണ് പുനർവിഭജനപ്രക്രിയ. അടുത്ത ഘട്ടത്തിൽ ബ്ലോക്ക് പഞ്ചായത്തുകളിലും മൂന്നാം ഘട്ടത്തിൽ ജില്ലാ പഞ്ചായത്തുകളിലും വാർഡ് പുനർവിഭജനം നടക്കും.
ഇതാദ്യമായാണ് ഡിജിറ്റൽ സാങ്കേതികവിദ്യ ഉപയോഗിച്ച് വാർഡുകൾ പുനർനിർണയിച്ച് ഭൂപടം തയ്യാറാക്കുന്നത്. ഇതിനായി ഇൻഫർമേഷൻ കേരള മിഷൻ തയ്യാറാക്കിയ ക്യൂഫീൽഡ് ആപ്പാണ് ഉപയോഗിച്ചത്. ഭൂപടം പൊതുജനങ്ങൾക്ക് കാണാനും പ്രിന്റ് എടുക്കാനും കഴിയുന്ന രീതിയിലാണ് വെബ്സൈറ്റിൽ ലഭ്യമാക്കിയിട്ടുള്ളത്.
Related News
ശ്രീകൃഷ്ണന് മുന്നില് കുഴിമന്തി വെച്ച് വിഷു ആശംസ; ചേര്ത്തലയില് ഹോട്ടല് ഉടമ അറസ്റ്റില്
വാല്പ്പാറയില് വാഹനാപകടം;9 മലയാളികള്ക്ക് ദാരുണാന്ത്യം
ബിഡിഎസ് വിദ്യാര്ഥി നിതിന് രാജിന്റെ മരണം; ഇന്സ്റ്റ പേ ലോണ് ആപ്പിനെതിരെ കേസ്
ലൈംഗിക പീഡന പരാതി; മുൻ കോൺഗ്രസ് കൗൺസിലർ പ്രശോഭ് സി വത്സന്റെ മുൻകൂർ ജാമ്യാപേക്ഷ തള്ളി
