നെതര്ലന്ഡ്സിനെ ഏഴ് വിക്കറ്റുകള്ക്ക് തകര്ത്ത് അഫ്ഗാൻ
ഏകദിന ലോകകപ്പില് വീണ്ടും അഫ്ഗാന് വിജയഗാഥ. നെതര്ലന്ഡ്സിനെ ഏഴ് വിക്കറ്റുകള്ക്കാണ് അഫ്ഗാനിസ്താന് പരാജയപ്പെടുത്തിയത്. ഡച്ച് പടയെ 179 റണ്സിലൊതുക്കിയ അഫ്ഗാന് മറുപടി ബാറ്റിങ്ങില് വെറും 31.3 ഓവറില് വിജയലക്ഷ്യം മറികടന്നു. മൂന്ന് വിക്കറ്റ് നഷ്ടപ്പെടുത്തിയ അഫ്ഗാന് 181 റണ്സ് നേടി. അര്ധസെഞ്ച്വറി നേടിയ റഹ്മത്ത് ഷായുടെയും ക്യാപ്റ്റന് ഹഷ്മത്തുള്ള ഷാഹിദിയുടെയും തകര്പ്പന് ഇന്നിങ്സാണ് അഫ്ഗാന്റെ വിജയം അനായാസമാക്കിയത്. 56 റണ്സെടുത്ത നായകന് ഹഷ്മത്തുള്ള ഷാഹിദിയാണ് അഫ്ഗാന്റെ ടോപ് സ്കോറര്.