കിളി പോയി: ട്വിറ്ററിന്റെ ലോഗോ മാറ്റം പ്രഖ്യാപിച്ച് ഇലോണ് മസ്ക്
ജനപ്രിയ സോഷ്യല് മീഡിയാ വെബ്സൈറ്റുകളിലൊന്നായ ട്വിറ്ററിന്റെ കിളി പോയി. ട്വിറ്റര് വെബ്സൈറ്റിലെ പക്ഷിയുടെ ചിഹ്നം മാറി ഇപ്പോള് X എന്ന പുതിയ ലോഗോ ആണ് നല്കിയിരിക്കുന്നത്.
ഞായറാഴ്ചയാണ് ട്വിറ്റര് റീബ്രാന്റ് ചെയ്യുകയാണെന്ന് ഇലോണ് മസ്ക് പ്രഖ്യാപിച്ചത്.
ട്വിറ്ററിന്റെ ലോഗിൻ പേജിലും ഹോം പേജില് ഇടത് വശത്ത് മുകളിലായും ഉണ്ടായിരുന്ന പക്ഷിയുടെ ലോഗോ മാറ്റി X എന്നാക്കി. വെബ്സൈറ്റ് തുറക്കുമ്ബോഴും X എന്ന ലോഗോ കാണിക്കുന്നുണ്ട്. കറുപ്പ് നിറത്തിലാണ് ലോഗോ. ട്വിറ്ററിന്റെ ഔദ്യോഗിക പേജായിരുന്ന @twitter ന്റെ പേര് മാറ്റി X എന്നാക്കി. പ്രൊഫൈല് ചിത്രവും പുതിയ ലോഗോ ആക്കി മാറ്റിയിട്ടുണ്ട്. ഇതോടെ കമ്ബനിക്ക് കീഴിലുള്ള ഔദ്യോഗിക വെരിഫൈഡ് അക്കൗണ്ടുകള്ക്കൊപ്പമുള്ള കമ്ബനി ബാഡ്ജും പുതിയ ലോഗോ ആയി മാറി. മസ്കിന്റേയും, സിഇഒ ലിൻഡ യക്കരിനോയുടെയും ഔദ്യോഗിക അക്കൗണ്ടില് ഇപ്പോള് ഈ ലോഗോ ആണുള്ളത്.
X.com എന്ന ഡൊമൈനിലേക്ക് ഇനി ഈ പ്ലാറ്റ്ഫോം മാറും. നിലവില് x.com എന്ന് സെര്ച്ച് ചെയ്താല് നേരെ ട്വിറ്റര് വെബ്സൈറ്റിലേക്കാണ് പോവുക.
എക്സ് എവരിതിങ് ആപ്പ് എന്ന പേരില് ട്വിറ്ററിനെ പരിവര്ത്തനം ചെയ്യുമെന്ന് കഴിഞ്ഞ വര്ഷം ഇലോണ് മസ്ക് പ്രഖ്യാപിച്ചിരുന്നു. ട്വിറ്റര് ഏറ്റെടുത്തിന് ശേഷം രജിസ്റ്റര് ചെയ്ത പുതിയ കമ്ബനിയുടെ പേര് X corp എന്നായിരുന്നു.