രാജ്യത്ത് 62,224 പേർക്ക് കൂടി കോവിഡ്; മരണം 2542

Ajith.A

16 June 2021 10:12 AM

രാജ്യത്ത് കഴിഞ്ഞ 24 മണിക്കൂറിനിടെ 62,224 പേര്‍ക്ക് കോവിഡ് സ്ഥിരീകരിച്ചു. 1,07,628 പേര്‍ക്ക്​ രോഗമുക്തിയുണ്ടായി. 2542 പേര്‍ രോഗം​ ബാധിച്ച്‌​ മരിക്കുകയും ചെയ്​തുവെന്ന്​ ആരോഗ്യമന്ത്രാലയം അറിയിച്ചു.

ചികിത്സയിലുള്ള കോവിഡ്​ രോഗികളുടെ എണ്ണം ഒമ്ബത്​ ലക്ഷത്തില്‍ താഴെയെത്തിയത് ആശ്വാസമാവുകയാണ്. 8,65,432 പേരാണ്​ നിലവില്‍ ചികിത്സയിലുള്ളത്​. ഇതുവരെ 2,96,33,105 പേര്‍ക്കാണ് രാജ്യത്ത്​ കോവിഡ്​ സ്ഥിരീകരിച്ചത്​. 2,83,88,100 പേര്‍ക്ക്​ രോഗമുക്തിയുണ്ടായി. 3,79,573 പേര്‍ രോഗം ബാധിച്ച്‌​ മരിച്ചു.

നിലവില്‍ കേരളം ഉള്‍പ്പെടെ അഞ്ചു സംസ്ഥാനങ്ങളിലാണ്​ ഭൂരിഭാഗം കോവിഡ് കേസുകളും റിപ്പോര്‍ട്ട് ചെയ്യുന്നത്. തമിഴ്​നാട്​, മഹാരാഷ്​ട്ര, ആന്ധ്രപ്രദേശ്, കര്‍ണാടക എന്നിവയാണ് മറ്റു സംസ്ഥാനങ്ങള്‍. അതേസമയം, 26,19,72,014 പേര്‍ക്ക്​ ഇതുവരെ വാക്​സിന്‍ നല്‍കിയെന്ന്​ ആരോഗ്യമന്ത്രാലയത്തിന്‍റെ കണക്കുകള്‍ സൂചിപ്പിക്കുന്നു.