കോവാക്സിന് കോവിഷീല്‍ഡിനേക്കാള്‍ ഇരട്ടിവില; കാരണം ഇതാണ്
ന്യൂഡല്‍ഹി: കോവിഡിനെതിരായ പോരാട്ടത്തിലെ പ്രധാന ചുവടുവെപ്പാണ് വാക്സിനേഷന്‍. ഇന്ത്യയില്‍ നിലവില്‍ മൂന്ന് വാക്സിനുകളാണ് ലഭ്യമായിട്ടുള്ളത്. കോവിഷീല്‍ഡ്, സ്പുടിനിക് വി, കോവാക്സിന് എന്നിവയാണ് അവ. ഇതില്‍ കോവാക്സിന് മാത്രമാണ് ഇന്ത്യയില്‍ നിര്‍മിച്ചിട്ടുള്ളത്.
ഒരു ഡോസ് കോവിഷീല്‍ഡിന് പരമാവധി വില 780 രൂപയാണ്. റഷ്യയുടെ സ്പുടിനികിന്‍െറ പരമാവധി വില 1145 രൂപയും. എന്നാല്‍, കോവാക്സിന്െറ ഒരു ഡോസിന് പരമാവധി ഈടാക്കുന്ന തുക 1410 രൂപയണ്. 150 രൂപ ജി.എസ്.ടി അടക്കമാണ് ഈ നിരക്ക്.
അതായത് കോവിഷീല്‍ഡിന്‍െറ വിലയുടെ ഇരട്ടി വരും. കൂടാതെ വിദേശത്ത് അമേരിക്കയുടെ ഫൈസറിനേക്കാള്‍ വിലയുമുണ്ട്. ആഗോളതലത്തില്‍ ചെലവേറിയ മൂന്നാമത്തെ വാക്‌സിനും കോവാക്സിന് തന്നെ.
ചെലവേറിയ സാങ്കേതിക വിദ്യയാണ് കോവാക്സിന്െറ നിര്‍മാണത്തില്‍ ഉപയോഗിക്കുന്നതെന്നും അതാണ് വില വര്‍ധിക്കാന്‍ കാരണമെന്നും വിദഗ്ധര്‍ പറയുന്നു. \'കോവാക്സിന്െറ സാങ്കേതികവിദ്യ കോവിഷീല്‍ഡില്‍നിന്നും സ്പുട്‌നിക്കില്‍നിന്നും വളരെ വ്യത്യസ്തമാണ്. കോവാക്സിന് തയാറാക്കാന്‍ പ്രവര്‍ത്തനരഹിതമായ മുഴുവന്‍ വൈറസും ഉപയോഗിക്കുന്നു. അതിനാല്‍ നൂറുകണക്കിന് ലിറ്റര്‍ വിലയേറിയ സെറം ഇറക്കുമതി ചെയ്യണം.
ബി.എസ്.എല്‍ ലാബുകള്‍ക്ക് കീഴില്‍ സൂക്ഷിക്കുന്ന ഈ സെറത്തില്‍ വൈറസ് വളരുന്നു. ഇവയെ പ്രവര്‍ത്തനരഹിതമായി നിര്‍ത്തി അതീവ മുന്‍കരുതലുകളോടെയാണ് ഇതിന്‍െറ പ്രവര്‍ത്തനം\' -സെന്‍റര്‍ ഫോര്‍ സെല്ലുലാര്‍ ആന്‍ഡ് മോളിക്യുലര്‍ ബയോളജി ഉപദേഷ്ടാവ് രാകേഷ് മിശ്ര പറയുന്നു.
'കോവാക്സിന് കോവിഷീല്‍ഡിന്‍െറ ഇരട്ടി വിലയാണെന്ന് മനസ്സിലാക്കാന്‍ കഴിയും. പക്ഷേ, കോവിഷീല്‍ഡിനും സ്പുട്‌നിക്കിനും വ്യത്യസ്ത വില ഈടാക്കുന്നതിന് പിന്നില്‍ വാണിജ്യപരമായ കാരണങ്ങളുണ്ടാകാം. സാങ്കേതികമായി എം.ആര്‍.എന്‍.എ വാക്സിനുകള്‍ ഏറ്റവും എളുപ്പമുള്ളതും നിര്‍മിക്കാന്‍ ചെലവ് കുറഞ്ഞതുമാണ്. വിശാലമായ സൗകര്യവും ആവശ്യമില്ല\' -ഡോ. മിശ്ര കൂട്ടിച്ചേര്‍ത്തു.
എം.ആര്‍.എന്‍.എ വാക്സിനുകളാണ് ഫൈസറും മോഡേണയും. ഇവയില്‍ കോവിഡിന് കാരണമാകുന്ന ജീവനുള്ള വൈറസ് ഉപയോഗിക്കുന്നില്ല. പകരം കോവിഡ് വൈറസിന്‍െറ ഉപരിതലത്തില്‍ കാണപ്പെടുന്ന \'സ്പൈക്ക് പ്രോട്ടീന്‍െറ\' നിരുപദ്രവകരമായ ഒരു ഭാഗം നിര്‍മിക്കാന്‍ ശരീര കോശങ്ങളെ പ്രേരിപ്പിക്കുന്നു. ഇതുവഴി രോഗപ്രതിരോധ ശേഷി കൈവരിക്കും.
കോവിഡിന്‍െറ ഏതെങ്കിലും വകഭേദത്തെ വാക്സിന് പ്രതിരോധിക്കാന്‍ കഴിയുന്നില്ലെങ്കില്‍, അതിനെ തടയാനുള്ള വാക്സിന് എം.ആര്‍.എന്‍.എ സാങ്കേതിക വിദ്യ വഴി ഉടന്‍ തന്നെ തയാറാക്കാനാകും. എന്നാല്‍, പ്രവര്‍ത്തനരഹിതമായ വൈറസിനെ അടിസ്ഥാനമാക്കിയുള്ള കോവാക്സിന് ഇത്തരത്തിലുള്ള പുനര്‍നിര്‍മാണം ദീര്‍ഘവും ബുദ്ധിമുട്ടേറിയതുമാണ്\' -ഡോ. മിശ്ര പറഞ്ഞു.
അതേസമയം, കഴിഞ്ഞ വര്‍ഷം വികസിപ്പിച്ച കോവിഡ് വാക്സിനുകള്‍ക്ക് ഈടാക്കുന്നതിനേക്കാള്‍ വളരെ കുറവാണ് ഇപ്പോള്‍ ലോകമെമ്ബാടുമുള്ള വാക്സിനുകളുടെ വിലയെന്ന് വിദഗ്ധര്‍ പറയുന്നു. അസംസ്കൃത വസ്തുക്കള്‍, പാക്കിങ്, പ്ലാന്‍റ് പ്രവര്‍ത്തനവും പരിപാലനവും, ലൈസന്‍സുകള്‍ നേടാനുള്ള ചെലവ്, ഉല്‍‌പ്പന്ന വികസനച്ചെലവ്, ക്ലിനിക്കല്‍ ട്രയലുകള്‍ എന്നിവയെല്ലാം അടിസ്ഥാനമാക്കിയാണ് വാക്സിന്‍െറ വില നിശ്ചയിക്കുന്നത്. അതിന് പുറമെ വിവിധ ടാക്സുകളുമുണ്ട്.
ഒരുപാട് കമ്ബനികളുടെ വാക്സിനുകളാണ് ഇന്ത്യയിലേക്ക് വരാനിരിക്കുന്നത്. ഇതോടെ വില ഇനിയും കുറയുമെന്നാണ് വിദഗ്ധര്‍ അഭിപ്രായപ്പെടുന്നത്.
Related News
മറ്റൊരു റെക്കോര്ഡ് കൂടി; ഒറ്റ ദിവസം കൊണ്ട് 4.96 ലക്ഷം പേര്ക്ക് വാക്സിന് നല്കി കേരളം
കോവാക്സിന് ലോകാരോഗ്യ സംഘടനയുടെ അംഗീകാരം ഉടന്‍
കോവാക്സിന് ഇടപാട് റദ്ദാക്കി ബ്രസീല്
സംസ്ഥാനത്ത് ആദ്യ ഡോസ് വാക്സിന് എടുത്തവർ ഒരു കോടിയലധികം; രണ്ടുഡോസും സ്വീകരിച്ചവര് കാല് കോടിയിലധികം