കെ.എസ്.ആര്‍.ടി.സി ദീര്‍ഘദൂര സര്‍വീസുകള്‍ പുനരാരംഭിച്ചു; യാത്ര ഇരുന്ന് മാത്രം
തിരുവനന്തപുരം: ലോക്ഡൗണിനെ തുടര്‍ന്ന് നിര്‍ത്തിവെച്ചിരുന്ന ദീര്‍ഘദൂര സര്‍വീസുകള്‍ കെ.എസ്.ആര്‍.ടി.സി പുനരാരംഭിച്ചു. കോവിഡ് ചട്ടങ്ങള്‍ പാലിച്ച്‌ ബുധനാഴ്ച രാവിലെയോടെയാണ് സര്‍വീസ് പുനരാരംഭിച്ചത്.
കൂടുതല്‍ യാത്രക്കാരുള്ള സ്ഥലങ്ങളിലേക്കാണ് ആദ്യ ഘട്ടത്തില്‍ സര്‍വീസ് ഉണ്ടാകുക. ടിക്കറ്റ് റിസര്‍വ് ചെയ്യാന്‍ അവസരമുണ്ട്. തെക്കന്‍ ജില്ലകളില്‍ നിന്ന് 75ലധികം സര്‍വീസുകളാണ് തുടങ്ങിയിരിക്കുന്നത്. കര്‍ശന നിയന്ത്രണങ്ങളുള്ള ജൂണ്‍ 12, 13 തിയതികളില്‍ സര്‍വീസ് ഉണ്ടായിരിക്കില്ല.
ഇരുന്ന് മാത്രമേ യാത്ര അനുവദിക്കുകയുള്ളൂ. അത്യാവശ്യ കാര്യങ്ങള്‍ക്ക് മാത്രമേ പൊതുഗതാഗതം ഉപയോഗിക്കാവൂവെന്നും നിര്‍ദേശമുണ്ട്. 'എന്‍റെ കെ.എസ്.ആര്‍.ടി.സി' മൊബൈല്‍ അപ്ലിക്കേഷന്‍ വഴിയും www.keralartc.com എന്ന വെബ്‌സൈറ്റ് വഴിയും സര്‍വീസുകളെ കുറിച്ച്‌ വിവരങ്ങള്‍ അറിയാം. ലോക്ഡൗണില്‍ കുടുങ്ങിക്കിടക്കുന്ന ആളുകള്‍ക്ക് ഈ സര്‍വീസുകള്‍ വലിയ ഉപകാരമാകും.
അതേസമയം, സര്‍വീസുകള്‍ ആരംഭിക്കുന്നതിനെതിരെ ആരോഗ്യ വകുപ്പിന് എതിര്‍പ്പുണ്ട്. സര്‍വീസ് ഉടനെ ആരംഭിക്കരുതെന്ന് ആരോഗ്യ വകുപ്പ് ഗതാഗത വകുപ്പ് മന്ത്രിയോടും കെ.എസ്.ആര്‍.ടി.സി സി.എം.ഡിയോടും ആവശ്യപ്പെട്ടു. ലോക്ഡൗണ്‍ അവസാനിക്കുന്ന മുറക്ക് ദീര്‍ഘദൂര സര്‍വീസുകള്‍ പൂര്‍ണമായി പുനരാരംഭിക്കുമെന്ന് ഗതാഗതി മന്ത്രി ആന്‍റണി രാജു അറിയിച്ചിട്ടുണ്ട്.
Related News
ഐഎഫ്എഫ്കെ: ഡബിള് ഡക്കര് ഓടിത്തുടങ്ങി
ലോക ചാമ്പ്യനെ വീഴ്ത്തി ഒന്നാമത്; ചരിത്രം സൃഷ്ടിച്ച് പ്രഗ്നാനന്ദ
മദ്യപാനിയുടെ ആക്രമണത്തിൽ കെ.എസ്.ആര്‍.ടി.സി കണ്ടക്ടര്ക്ക് പരിക്ക്
കെഎസ്ആര്ടിസിയുടെ ആദ്യ എല്എന്ജി ബസ് സര്വ്വീസിന് തുടക്കം