ആശങ്ക അകലുന്നു, രാജ്യത്ത് കോവിഡ് കുറയുന്നു; 24 മണിക്കൂറിനിടെ 1,52,734 പേര്‍ക്ക് രോഗബാധ
ന്യൂ ഡല്‍ഹി: രാജ്യത്ത് കോവിഡ് കേസുകള്‍ ഗണ്യമായി കുറയുന്നു. കഴിഞ്ഞ 24 മണിക്കൂറിനിടെ 1,52,734 പേര്‍ക്കാണ് പുതുതായി രോഗം സ്ഥിരീകരിച്ചത്. 2,38,022 പേര്‍ രോഗമുക്തി നേടി.
കേന്ദ്ര ആരോഗ്യമന്ത്രാലയം പുറത്തുവിടുന്ന കണക്കനുസരിച്ച്‌ 3128 പേര്‍ക്കാണ് കോവിഡ് മൂലം ജീവന്‍ നഷ്ടമായത്. ഇതോടെ രാജ്യത്തെ ആകെ മരണം 3,29,100 ആയി ഉയര്‍ന്നു. നിലവില്‍ 20,26,092 രോഗികളാണ് ചികിത്സയില്‍ കഴിയുന്നത്.
2,80,47,534 കോവിഡ് കേസുകളാണ് രാജ്യത്താകെ റിപ്പോര്‍ട്ട് ചെയ്തത്. 2,56,92,342 പേര്‍ രോഗമുക്തി നേടി. ഇതോടെ രോഗമുക്തി നിരക്ക് 91.60 ശതമാനമായി ഉയര്‍ന്നു. പ്രതിദിന കോവിഡ് ബാധിതരുടെ എണ്ണത്തില്‍ തമിഴ്‌നാടാണ് ഏറ്റവും മുന്നില്‍.
കര്‍ണാടക, കേരളം, മഹാരാഷ്ട്ര, ആന്ധ്രാപ്രദേശ് എന്നീ സംസ്ഥാനങ്ങളിലും കോവിഡ് നിരക്ക് ഉയര്‍ന്നുതന്നെ.
കേരളത്തില്‍ കഴിഞ്ഞ ദിവസത്തെ ടെസ്റ്റ് പോസിറ്റിവിറ്റി നിരക്ക് 15.97 ശതമാനം ആണ്. 19,894 പേര്‍ക്കാണ് രോഗം സ്ഥിരീകരിച്ചത്.
രാജ്യത്ത് വിവിധ സംസ്ഥാനങ്ങളിലായി 21,31,54,129 പേരാണ് കോവിഡ് പ്രതിരോധ വാക്സിന്‍ സ്വീകരിച്ചത്.
Related News
45 മണിക്കൂർ മനോധൈര്യം കൈവിടാതെ ബാബു; മലയില് കുടുങ്ങിയത് ഇങ്ങനെ
മലമ്പുഴ രക്ഷാദൗത്യം - മുഖ്യമന്ത്രി പിണറായി വിജയന്റെ പ്രതികരണം
ബാബുവിന്റെ കൈപിടിച്ച് സൈന്യം; ബിഗ് സല്യൂട്ട്
കോവിഡ് ഡ്യൂട്ടിക്ക് ഹാജരാകാത്ത രണ്ട് ഡോക്ടര്മാരെ പിരിച്ചു വിട്ടു