ധാരാളം കഥകള് ഇനിയും വരും, വിനോദിനിയുടെ കൈയില് ഐഫോണ് ഉണ്ടെങ്കില് കണ്ടുപിടിക്കട്ടെ, വെല്ലുവിളിച്ച് മേഴ്സിക്കുട്ടിയമ്മ
തിരുവനന്തപുരം :സന്തോഷ് ഈപ്പന് നല്കിയ ഐ ഫോണ് കോടിയേരിയുടെ ഭാര്യ വിനോദിനി ഉപയോഗിച്ചിരുന്നുവെന്ന കണ്ടെത്തലിന് പിന്നാലെ കസ്റ്റംസിനെ വെല്ലുവിളിച്ച് മന്ത്രി മേഴ്സിക്കുട്ടിയമ്മ.. വിനോദിനിയുടെ കൈയില് സന്തോഷ് ഈപ്പന് യു.എ.ഇ കോണ്സുല് ജനറലിന് നല്കിയ ഐ ഫോണ് ഉണ്ടെങ്കില് കണ്ടു പിടിക്കട്ടെയെന്ന് മന്ത്രി മേഴ്സിക്കുട്ടിയമ്മ പറഞ്ഞു. വൈപ്പിനില് സംഘടിപ്പിച്ച മത്സ്യ തൊഴിലാളി സംഗമത്തില് സംസാരിക്കുകയായിരുന്നു മന്ത്രി.. .വരുന്ന മാസത്തിനുള്ളില് ഇതുപോലത്തെ ധാരാളം കഥകള് ഇനിയും വരുമെന്നും അവര് കൂട്ടിച്ചേര്ത്തു. മുഖ്യമന്ത്രിക്ക് ഡോളര് കടത്തില് ബന്ധമുണ്ടെന്ന സ്വപ്നയുടെ മൊഴയോട്,അസംബന്ധം പറയുന്നതിന് അതിരു വേണ്ടേയെന്നും മന്ത്രി പറഞ്ഞു. ആഴക്കടല് വിഷയത്തില് പ്രതിപക്ഷ നേതാവ് രമേശ് ചെന്നിത്തല നുണ പ്രചരിപ്പിക്കുകയാണെന്നും അവര് വിമര്ശിച്ചു