അഗ്നിശമന സേനയില് 100 വനിതകളെ ഉടന് നിയമിക്കും
തിരുവനന്തപുരം: അഗ്നിശമന സേനയില് 100 വനിതകളെ നിയമിക്കാന് സര്ക്കാര് വിജ്ഞാപനം പുറപ്പെടുവിച്ചു. കഴിഞ്ഞ വര്ഷം സെപ്തംബറില് മന്ത്രിസഭായോഗം തീരുമാനിച്ച കാര്യത്തില് നടപടിക്രമങ്ങള് ഒരു വര്ഷത്തോളം നീണ്ടുപോയി. സ്പെഷ്യല് റൂള് രൂപീകരിക്കുന്നത് വൈകുമെന്നതിനാല് എക്സിക്യൂട്ടിവ് ഉത്തരവിലൂടെ നിയമനം തുടങ്ങാന് തീരുമാനിക്കുകയായിരുന്നു.
ആഭ്യന്തരവകുപ്പ് അഡീഷണല് ചീഫ് സെക്രട്ടറി വിശ്വാസ് മേത്ത ഇറക്കിയ ഉത്തരവ് പിഎസ്സി അംഗീകരിച്ച് ഒഴിവുകള് വിജ്ഞാപനം ചെയ്യും. സംസ്ഥാനത്ത് ആദ്യമായാണ് അഗ്നിരക്ഷാ സേനയില് വനിതകളെ ഉള്പ്പെടുത്തുന്നത്. നേരിട്ട് നിയമനം നടത്തുന്ന ജൂനിയര് ഫയര് ഫൈറ്റര്, സ്റ്റേഷന് ഓഫീസര് തസ്തികകളില് പത്തു ശതമാനം വനിതകള്ക്കു സംവരണം ചെയ്യണമെന്ന ഫയര്ഫോഴ്സ് ഡയറക്ടര് ജനറലിന്റെ ശുപാര്ശ അംഗീകരിച്ചാണ് 100 ഫയര് വുമണ് തസ്തിക സൃഷ്ടിച്ചത്. റീജിയണല് ഫയര് ഓഫീസറാണ് നിയമനാധികാരി.