ട്രെയിന് ഒരു മണിക്കൂര്‍ വൈകിയാല്‍ യാത്രക്കാരനു 100 രൂപ നഷ്ടപരിഹാരം !
ന്യൂഡല്‍ഹി: ട്രെയിന് വൈകിയാല്‍ യാത്രക്കാര്‍ക്ക് നഷ്ടപരിഹാരമായി പണം നല്‍കുന്ന ചരിത്രനീക്കവുമായി ഇന്ത്യന്‍ റെയില്‍വേ. ട്രെയിന് ഒരു മണിക്കൂര്‍ വൈകിയാല്‍ യാത്രക്കാരനു 100 രൂപ നഷ്ടപരിഹാരം! രണ്ടു മണിക്കൂറിലേറെ വൈകിയാല്‍ 250 രൂപ! സ്വകാര്യമേഖലയ്ക്കു കൈമാറിയ ഡല്‍ഹി- ലക്നൗ തേജസ് ട്രെയിന് നടത്തിപ്പുകാരായ ഇന്ത്യന്‍ റെയില്‍വേ കേറ്ററിങ് ആന്‍ഡ് ടൂറിസം കോര്‍പറേഷനാണു (ഐആര്‍സിടിസി) വൈകിയോടലിനു നഷ്ടപരിഹാരം നല്‍കുന്നത്. മണിക്കൂറുകള്‍ വൈകിയോടുന്ന ട്രെയിനുകള്‍ കാരണമുണ്ടായ ചീത്തപ്പേരു സ്വകാര്യവല്‍ക്കരിച്ച ട്രെയിനിലൂടെ മായ്ക്കാനുള്ള ശ്രമത്തിലാണു റെയില്‍വേ.
ഈ മാസം 5 നാണു തേജസ് ആദ്യ സര്‍വീസ്. 4 നു ഫ്ലാഗ് ഓഫ് ചെയ്യും. യാത്രക്കാര്‍ക്ക് 25 ലക്ഷം രൂപയുടെ സൗജന്യ ഇന്‍ഷുറന്‍സ് നല്‍കുമെന്നു നേരത്തേ ഐആര്‍സിടിസി പ്രഖ്യാപിച്ചിരുന്നു. ഒരു ലക്ഷം രൂപയുടെ കവര്‍ച്ചാ നഷ്ടപരിഹാര ഇന്‍ഷുറന്‍സ് അടക്കമാണിത്. ട്രെയിനുകളില്‍ ഇത്തരത്തില്‍ ഇന്‍ഷ്വറന്‍സ് ഏര്‍പ്പെടുത്തുന്നത് ആദ്യമാണ്. ട്രെയിനില്‍ ചായയും കാപ്പിയും വെന്‍ഡിങ് മെഷീനുകള്‍ വഴി സൗജന്യം. ശുദ്ധജലവും നല്‍കും. വിമാനത്തിലേതു പോലെ ട്രോളിയിലാണു ഭക്ഷണവിതരണം.
ട്രെയിനുകള്‍ വൈകിയാല്‍ നഷ്ടപരിഹാരം നല്‍കുന്ന സംവിധാനം വിവിധ രാജ്യങ്ങളില്‍ നിലവിലുണ്ട്. ജപ്പാന്‍, ഫ്രാന്‍സ് എന്നീ രാജ്യങ്ങളില്‍ ട്രെയിനുകള്‍ വൈകിയാല്‍ യാത്രക്കാര്‍ക്ക് ഡിലേ സര്‍ട്ടിഫിക്കറ്റ് നല്‍കും. സ്കൂളുകള്‍, യൂണിവേഴ്സിറ്റി, ഓഫീസ് എന്നിവിടങ്ങളില്‍ യാത്രക്കാര്‍ക്ക് ഇതു കാണിച്ച്‌ ആനുകൂല്യം നേടാം.
Related News
കേരളത്തിലേക്ക് 10 സ്പെഷ്യല് ട്രെയിനുകള്‍ കൂടി അനുവദിച്ച് റയില്വേ
രാജ്യത്തെ മെട്രാ ട്രെയിന് സര്വീസുകള് സെപ്റ്റംബര് ഏഴ് മുതല്; പ്രത്യേക നിര്ദേശങ്ങളിറക്കി കേന്ദ്രം
കേരളത്തിലേയ്ക്ക് ആദ്യ സര്‍വീസ് നാളെ. ഡെല്ഹിയില്നിന്ന് കൊങ്കൻ വഴി തിരുവനന്തപുരത്തേയ്ക്കാണ് സര്‍വീസ്; പാസ് നിർബന്ധം
അതിഥി തൊഴിലാളികൾക്കായുള്ള ആദ്യ ട്രെയിൻ ഇന്ന്