വിമാനം അറേഞ്ച് ചെയ്തത് മലയാളിയായ ഒരു പരിചയക്കാരന്
തന്റെ വിമാന-ഹെലികോപ്റ്റര്‍ യാത്രയ്ക്ക് സര്‍ക്കാരിന്റെ ഒരു പൈസ പോലും ചെലവായിട്ടില്ലെന്ന് മുഖ്യമന്ത്രി വി ഡി സതീശന്‍. മലയാളിയായ ഒരു പരിചയക്കാരനാണ് മലപ്പുറം യാത്രയ്ക്കുള്ള വിമാനം അറേഞ്ച് ചെയ്തു തന്നത്. അ…
തന്റെ വിമാന-ഹെലികോപ്റ്റര്‍ യാത്രയ്ക്ക് സര്‍ക്കാരിന്റെ ഒരു പൈസ പോലും ചെലവായിട്ടില്ലെന്ന് മുഖ്യമന്ത്രി വി ഡി സതീശന്‍. മലയാളിയായ ഒരു പരിചയക്കാരനാണ് മലപ്പുറം യാത്രയ്ക്കുള്ള വിമാനം അറേഞ്ച് ചെയ്തു തന്നത്. അദ്ദേഹത്തിന്റെ പേര് വലിച്ചിഴയ്ക്കാനില്ല. ഇനിയും ഇത്തരത്തില്‍ സഞ്ചരിക്കുമെന്നും വി ഡി സതീശന്‍ ആവര്‍ത്തിച്ചു പറഞ്ഞു. മുന്‍ മുഖ്യമന്ത്രിമാരായ പിണറായി വിജയനും ഉമ്മന്‍ ചാണ്ടിയും ഇത്തരത്തില്‍ സ്വകാര്യ വ്യക്തികള്‍ അറേഞ്ച് ചെയ്ത വിമാനത്തില്‍ യാത്ര ചെയ്തിട്ടുണ്ട്. ഇന്ത്യയിലെ മുഴുവന്‍ മുഖ്യമന്ത്രിമാരും ഇത്തരത്തില്‍ സഞ്ചരിക്കുന്നവരാണെന്നും വി ഡി സതീശന്‍ ന്യായീകരിച്ചു.
'പരസ്യമായാണ് എന്റെ യാത്രകള്‍. ഈ സര്‍ക്കാരിന്റെ ഒരു പൈസപോലും അതിനായി ചെലവായിട്ടില്ല. നേരത്തെ നിങ്ങള്‍ വിവാദമാക്കിയ ഹെലികോപ്റ്ററിന് 80 ലക്ഷം രൂപ കൊടുത്ത് കഴിഞ്ഞ സര്‍ക്കാര്‍ സെപ്തംബര്‍ 19 വരെ എഗ്രിമെന്റ് വെച്ചിരിക്കുകയാണ്. കരാര്‍ പ്രകാരം 25 മണിക്കൂര്‍ വരെ സര്‍ക്കാര്‍ ആവശ്യത്തിനായി യാത്ര ചെയ്യാം. എന്നാല്‍ ഞാന്‍ മൂന്നോ നാലോ മണിക്കൂര്‍ ആണ് യാത്ര ചെയ്തത്. സെപ്തംബര്‍ 19ന് എഗ്രിമെന്റ് തീര്‍ന്നു. അത് രണ്ട് തവണ ഉപയോഗിച്ചതല്ലാതെ ഈ സര്‍ക്കാര്‍ വന്നതിന് ശേഷം ഒരു രൂപ പോലും എന്റെ യാത്രക്കായി ഖജനാവില്‍ നിന്നും ചെലവാക്കിയിട്ടില്ല', വി ഡി സതീശന്‍ പറഞ്ഞു.
