'ടിനി ടോം പരസ്യമായി മാപ്പ് പറഞ്ഞാൽ പരാതി പിൻവലിക്കാം';അൻസിബ

'അമ്മ' (AMMA) സംഘടനയിൽ നടൻ ടിനി ടോമിനെതിരെ ഉയർന്ന പരാതിയിൽ നടി അൻസിബ ഹസനുമായി നടത്തിയ അനുരഞ്ജന നീക്കങ്ങൾ പരാജയപ്പെട്ടു. വിഷയം കോടതിക്ക് പുറത്ത് തീർക്കണമെന്നും പരാതി പിൻവലിക്കണമെന്നുമുള്ള അഡ്ഹോക്ക് കമ്മിറ്റി കൺവീനറും എംഎൽഎയുമായ രമേഷ് പിഷാരടിയുടെ ആവശ്യം അൻസിബ തള്ളി. താൻ മാപ്പ് എഴുതി നൽകണമെന്ന ടിനി ടോമിന്റെ ആവശ്യം തള്ളിയ അൻസിബ, ടിനി ടോം പരസ്യമായി മാപ്പ് പറയുകയാണെങ്കിൽ മാത്രം പരാതി പിൻവലിക്കുന്ന കാര്യം ആലോചിക്കാമെന്ന് വ്യക്തമാക്കുകയായിരുന്നു.

ഇന്നലെ ചേർന്ന 'അമ്മ' അഡ്ഹോക്ക് കമ്മിറ്റി യോഗത്തിലാണ് താരങ്ങൾ തമ്മിലുള്ള തർക്കം പരിഹരിക്കാനുള്ള ശ്രമങ്ങൾ നടന്നത്. സംഘടനയിൽ നിന്ന് നേരത്തെ രാജിവെച്ച മുതിർന്ന താരങ്ങളായ ശ്വേതാ മേനോൻ, മല്ലിക സുകുമാരൻ എന്നിവരെ അനുനയിപ്പിച്ച് സംഘടനയിലേക്ക് തിരികെ എത്തിക്കാനും നിലവിൽ തീവ്രശ്രമം നടക്കുന്നുണ്ട്.