ഓണക്കാലത്ത് 3 റൂട്ടുകളിൽ സ്പെഷൽ ട്രെയിനുകൾ: ബുക്കിങ് നാളെ മുതൽ

ഓണക്കാലത്തെ യാത്രക്കാരുടെ തിരക്ക് കണക്കിലെടുത്ത് പ്രത്യേക ട്രെയിൻ സർവീസുകൾ പ്രഖ്യാപിച്ച് ദക്ഷിണ റെയിൽവേ. . മംഗലാപുരം - ചെന്നൈ എഗ്മൂർ, ചെന്നൈ സെൻട്രൽ - കൊല്ലം, തിരുവനന്തപുരം സെൻട്രൽ - താംബരം എന്നീ റൂട്ടുകളിലാണ് പ്രത്യേക പ്രതിവാര സർവീസുകൾ നടത്തുന്നത്. ഈ ട്രെയിനുകളിലേക്കുള്ള അഡ്വാൻസ് റിസർവേഷൻ നാളെ രാവിലെ 8 മണിക്ക് ആരംഭിക്കും.

ട്രെയിൻ നമ്പർ 06126: ജൂലൈ 13, 20, 27, ഓഗസ്റ്റ് 03, 10, 17, 24, 31 (തിങ്കളാഴ്ചകളിൽ) തീയതികളിൽ വൈകുന്നേരം നാലു മണിക്ക് മംഗലാപുരം സെൻട്രലിൽനിന്നു പുറപ്പെട്ട് പിറ്റേന്ന് രാവിലെ 10.55 ന് ചെന്നൈ എഗ്മൂറിൽ എത്തിച്ചേരും (ആകെ 8 സർവീസുകൾ).

∙ ട്രെയിൻ നമ്പർ 06125: ജൂലൈ 14, 21, 28, ഓഗസ്റ്റ് 04, 11, 18, 25, സെപ്റ്റംബർ 01 (ചൊവ്വാഴ്ചകളിൽ) തീയതികളിൽ ഉച്ചയ്ക്ക് 2 മണിക്ക് ചെന്നൈ എഗ്മൂറിൽനിന്നു പുറപ്പെട്ട് പിറ്റേന്ന് രാവിലെ 08.40 ന് മംഗലാപുരം സെൻട്രലിൽ എത്തിച്ചേരും (ആകെ 8 സർവീസുകൾ).

∙ ട്രെയിൻ നമ്പർ 06119: ഓഗസ്റ്റ് 12, 19, 26, സെപ്റ്റംബർ 02 (ബുധനാഴ്ചകളിൽ) തീയതികളിൽ ഉച്ചയ്ക്ക് 3.10 ന് ചെന്നൈ സെൻട്രലിൽനിന്നു പുറപ്പെട്ട് പിറ്റേന്ന് രാവിലെ 07.20 ന് കൊല്ലത്ത് എത്തിച്ചേരും (ആകെ 4 സർവീസുകൾ).

∙ ട്രെയിൻ നമ്പർ 06120: ഓഗസ്റ്റ് 13, 20, 27, സെപ്റ്റംബർ 03 (വ്യാഴാഴ്ചകളിൽ) തീയതികളിൽ രാവിലെ 10.40 ന് കൊല്ലത്തുനിന്നു പുറപ്പെട്ട് പിറ്റേന്ന് പുലർച്ചെ 03.30 ന് ചെന്നൈ സെൻട്രലിൽ എത്തിച്ചേരും (ആകെ 4 സർവീസുകൾ).

∙ ട്രെയിൻ നമ്പർ 06110: ഓഗസ്റ്റ് 12, 19, 26, സെപ്റ്റംബർ 02 (ബുധനാഴ്ചകളിൽ) തീയതികളിൽ ഉച്ചയ്ക്ക് 3.45 ന് തിരുവനന്തപുരം സെൻട്രലിൽനിന്നു പുറപ്പെട്ടു പിറ്റേന്ന് രാവിലെ 10.00 മണിക്ക് താംബരത്ത് എത്തിച്ചേരും (ആകെ 4 സർവീസുകൾ).

∙ ട്രെയിൻ നമ്പർ 06109: ഓഗസ്റ്റ് 13, 20, 27, സെപ്റ്റംബർ 03 (വ്യാഴാഴ്ചകളിൽ) തീയതികളിൽ ഉച്ചയ്ക്ക് 14.00 മണിക്ക് താംബരത്തുനിന്നു പുറപ്പെട്ടു പിറ്റേന്ന് രാവിലെ 07.15 ന് തിരുവനന്തപുരം സെൻട്രലിൽ എത്തിച്ചേരും (ആകെ 4 സർവീസുകൾ).