ശോഭാ യാത്രക്കിടയിൽ യുവാവിനെ RSS-BJP പ്രവർത്തകർ വളഞ്ഞിട്ട് മർദ്ദിച്ചെന്ന് പരാതി

ശ്രീകൃഷ്ണജയന്തി ആഘോഷത്തിന്റെ ഭാഗമായി നടത്തിയ ശോഭയാത്രക്കിടയിൽ യുവാവിന് ക്രൂരമർദനം. തൃശൂർ അടാട്ട് സ്വദേശി അരുൺ ബാലനെയാണ് RSS-BJP പ്രവർത്തകർ സംഘം ചേർന്ന് വളഞ്ഞിട്ട് മർദ്ദിച്ചത്. ശോഭ യാത്ര നടക്കുന്നതിനിടയിൽ റോഡിന് സൈഡിലൂടെ സ്കൂട്ടറിൽ പോയ യുവാവിനെ വളഞ്ഞിട്ട് മർദ്ദിക്കുക ആയിരുന്നു.

സംഭവത്തിൽ ആർ.എസ്.എസ് – ബിജെപി പ്രവർത്തകരായ 7 പേർക്കെതിരെ പേരാമംഗലം പൊലീസ് കേസെടുത്തു. മഹേഷ് , വിജിത്ത് ,അഭിലാഷ് , രാകേഷ് , മണികണ്ഠൻ , രാജു , അപ്പു എന്നിവർക്കെതിരെയാണ് കേസെടുത്തത്. കേസെടുത്തെങ്കിലും പ്രതികളെ പിടികൂടാൻ പൊലീസ് തയ്യാറായിട്ടില്ലെന്നും ആക്ഷേപമുണ്ട്.

സംഭവത്തിന് പിന്നാലെ മർദനമേറ്റ അരുണിനും മറ്റ് രണ്ട് പേർക്കുമെതിരെ ബിജെപി പ്രവർത്തകർ പരാതി നൽകി. ഇവരുടെ പരാതിയിലും മൂന്ന് പേർക്കെതിരെ പൊലീസ് കേസെടുത്തിരുന്നു.അരുൺ ബാലൻ , നിഖിൽ , രാഹുൽ എന്നിവർക്കെതിരെയാണ് കേസ് എടുത്തത്.