നീലപ്പടയ്ക്ക് റെക്കോർഡ് ജയം; വെസ്റ്റ് ഇൻഡീസിന് എതിരായ ഏകദിന പരമ്പര ഇന്ത്യയ്ക്ക്

വെസ്റ്റ് ഇൻഡീസിന് എതിരായ ഏകദിന ക്രിക്കറ്റിൽ ഇന്ത്യയ്ക്ക് റെക്കോർഡ് ജയം. വെസ്റ്റ് ഇൻഡീസിനെ എട്ട് വിക്കറ്റിന് തകർത്തു. ഏകദിന ക്രിക്കറ്റിലെ ഇന്ത്യയുടെ പിന്തുടർന്നുള്ള ഏറ്റവും വലിയ വിജയമാണിത്. വിൻഡീസിന്റെ 406 റൺസ് വിജയലക്ഷ്യം മറികടന്നത് ഇന്ത്യ 43.3 ഓവറിൽ. ഇതോടെ വെസ്റ്റ് ഇൻഡീസിന് എതിരായ ഏകദിന പരന്പരയിൽ ഇന്ത്യ ജേതാക്കളായി. ക്യാപ്റ്റൻ ശുഭമാൻ ഗില്ലിന് ഇരട്ട സെഞ്ച്വറി. പുറത്താകാതെ 223 റൺസ് എടുത്ത ക്യാപ്റ്റൻ ശുഭമാൻ ഗിലും 75 പന്തിൽ 10 ഫോറും ആറ് സിക്സും സഹിതം 101 റൺസും നേടിയ രോഹിത് ശർമയുമാണ് ആണ് ഇന്ത്യയുടെ വിജയ ശിൽപികൾ.

ഇന്ത്യയ്ക്കെതിരായ രണ്ടാം ഏകദിനത്തിൽ മൂന്നു ബാറ്റർമാരുടെ തകർപ്പൻ സെഞ്ചറി കരുത്തിൽ 50 ഓവറിൽ ഏഴു വിക്കറ്റ് നഷ്ടത്തിൽ 405 റൺസാണ് വിൻഡീസ് അടിച്ചുകൂട്ടിയത്. വെസ്റ്റിൻഡീസിനായി ഓപ്പണർ ജോൺ കാംബെൽ (68 പന്തിൽ 101), ക്യാപ്റ്റൻ ഷായ് ഹോപ് (94 പന്തിൽ 104), അമീർ ജാങ്കൂ (77 പന്തിൽ 114) എന്നിവരാണ് സെഞ്ചറി നേടിയത്. വിക്കറ്റുകൾ ബൗളർമാർ കഷ്ടപ്പെട്ടതോടെയായിരുന്നു വെസ്റ്റിൻഡീസ് കൂറ്റൻ സ്കോറിലെത്തിയത്. 40–ാം ഓവറിനു ശേഷമാണ് ഇന്ത്യയ്ക്കു വിക്കറ്റുകൾ വീഴ്ത്താൻ സാധിച്ചിരുന്നത്.

മറുപടി ബാറ്റിങ്ങിനിറങ്ങിയ ഇന്ത്യയ്ക്ക് തകർപ്പൻ തുടക്കമാണ് നായകൻ ​ഗില്ലും ഹിറ്റ്മാൻ രോഹിത് ശർമയും നൽകിയത്. രോഹിത് ശർമയുടെ സെഞ്ചുറിയും ഇന്ത്യൻ ജയത്തിൽ നിർണ്ണായകമായി. ഏകദിനത്തിൽ ഓപ്പണിങ് വിക്കറ്റിൽ ഏറ്റവുമുയർന്ന രണ്ടാമത്തെ കൂട്ടുകെട്ടും രോഹിതും ഗില്ലും പടുത്തുയർത്തി. ഇരുവരും 255 റൺസാണ് അടിച്ചെടുത്തത്. 75 പന്തിൽ 10 ഫോറും ആറ് സിക്സും സഹിതം 101 റൺസാണ് രോഹിത് നേടിയത്. രോഹിത് ശർമയ്ക്കുശേഷം ഏകദിനത്തിൽ ഒന്നിലധികം ഇരട്ട സെഞ്ചുറി നേടുന്ന താരമായി ഗിൽ മാറി. നേരത്തെ 2023-ൽ ന്യൂസിലൻഡിനെതിരെ പുറത്താകാതെ 208 റൺസാണ് ഗിൽ അടിച്ചത്.