മാടായി കുളം നവീകരണം തുടങ്ങി
മുഹമ്മദ് മുഹ്സിന്‍ എം.എല്‍.എ ഉദ്ഘാടനം ചെയ്തുമുതുതല ഗ്രാമപഞ്ചായത്തിലെ കൊടുമുണ്ട മാടായി കുളത്തിന്റെ നവീകരണം തുടങ്ങി. മുഹമ്മദ് മുഹ്സിന്‍ എം.എല്‍.എ നവീകരണ പ്രവൃത്തികളുടെ ഉദ്ഘാട…
മുഹമ്മദ് മുഹ്സിന്‍ എം.എല്‍.എ ഉദ്ഘാടനം ചെയ്തു
മുതുതല ഗ്രാമപഞ്ചായത്തിലെ കൊടുമുണ്ട മാടായി കുളത്തിന്റെ നവീകരണം തുടങ്ങി. മുഹമ്മദ് മുഹ്സിന്‍ എം.എല്‍.എ നവീകരണ പ്രവൃത്തികളുടെ ഉദ്ഘാടനം നിര്‍വഹിച്ചു. ജലസേചന വകുപ്പിന്റെ 2022-23 സാമ്പത്തിക വര്‍ഷത്തിലെ പ്ലാന്‍ ഫണ്ടില്‍നിന്നും 90 ലക്ഷം രൂപ വകയിരുത്തിയാണ് കുളത്തിന്റെ നവീകരണ പ്രവര്‍ത്തനങ്ങള്‍ നടത്തുന്നത്. അരികുകള്‍ ഇടിഞ്ഞും പടവുകള്‍ ഇല്ലാതെയും കുളക്കടവ് തകര്‍ന്ന സ്ഥിതിയിലാണ് ഇപ്പോഴുള്ളത്. നവീകരണത്തിന്റെ ഭാഗമായി കുളത്തില്‍നിന്ന് മണ്ണ് നീക്കം ചെയ്ത് ആഴവും വീതിയും കൂട്ടും.
ഇതോടൊപ്പം പടവുകളും രണ്ട് കുളക്കടവുകളും കൈവരിയോടെയുള്ള നടപ്പാതയും ചുറ്റുമതിലും നിര്‍മിക്കും. കുളം നവീകരിക്കുന്നതോടെ പ്രദേശത്തെ 15 ഹെക്ടറില്‍ കൂടുതല്‍ കൃഷിയിടങ്ങളിലേക്ക് ജലസേചന സൗകര്യം ഉറപ്പുവരുത്തുന്നതിനും ജലദൗര്‍ലഭ്യം പരിഹരിക്കുന്നതിനും ജലവിതാനം ഉയര്‍ത്തുന്നതിനും വരള്‍ച്ചയെ ഒരു പരിധി വരെ പ്രതിരോധിക്കാനും സാധിക്കും. പരിപാടിയില്‍ മുതുതല ഗ്രാമപഞ്ചായത്ത് പ്രസിഡന്റ് എ. ആനന്ദവല്ലി, വി.ടി നാരായണന്‍, രവികുമാര്‍, ശങ്കരന്‍കുട്ടി, പ്രദേശവാസികള്‍, നിര്‍വഹണ ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.
