കേരള ആരോഗ്യ സർവകലാശാലയുടെ ക്യു.എ.എസ്. വിലയിരുത്തലിൽ അമല മെഡിക്കൽ കോളേജിന് എ പ്ലസ് ഗ്രേഡ്

തൃശൂർ: കേരള ആരോഗ്യശാസ്ത്ര സർവകലാശാലയുടെ ക്വാളിറ്റി അഷ്വറൻസ് സിസ്റ്റം (QAS) വിലയിരുത്തലിൽ അമല മെഡിക്കൽ കോളേജ് ഏറ്റവും ഉയർന്ന ഗ്രേഡായ എ പ്ലസ് കരസ്ഥമാക്കി. രണ്ടാം തവണയാണ് അമല മെഡിക്കൽ കോളേജിന് ക്യു.എ.എസ്. വിലയിരുത്തലിൽ എ പ്ലസ് ഗ്രേഡ് ലഭിക്കുന്നത്.
അക്കാദമിക മികവ്, ചികിത്സാ സേവനങ്ങളുടെ ഗുണനിലവാരം, അടിസ്ഥാന സൗകര്യങ്ങൾ, ഗവേഷണ പ്രവർത്തനങ്ങൾ, വിദ്യാർഥി ക്ഷേമം, ഭരണനിർവഹണം, ഗുണനിലവാര ഉറപ്പാക്കൽ പ്രവർത്തനങ്ങൾ തുടങ്ങിയ വിവിധ മേഖലകളിലെ മികച്ച പ്രകടനമാണ് ഈ അംഗീകാരത്തിന് അർഹമാക്കിയത്.
മെഡിക്കൽ വിദ്യാഭ്യാസത്തിലും രോഗീപരിചരണത്തിലും ഉയർന്ന നിലവാരം നിലനിർത്തുന്നതിനായി അധ്യാപകരും വിദ്യാർഥികളും ജീവനക്കാരും നടത്തിയ കൂട്ടായ പരിശ്രമത്തിന്റെ ഫലമാണ് ഈ നേട്ടമെന്ന് അമല മെഡിക്കൽ കോളേജ് ഡയറക്ടർ ഫാദർ ജൂലിയസ് അറക്കൽ സി എം ഐ അറിയിച്ചു