കേൾവി പരിശോധന ക്യാമ്പ്

ബധിരതയെ കുറിച്ച് അവബോധം വളർത്തുന്നതിനും കേൾവി വൈകല്യങ്ങൾ കൃത്യസമയത്ത് കണ്ടുപിടിക്കാനും പ്രതിരോധിക്കാനും എല്ലാ വർഷവും മാർച്ച് 3 ലോക കേൾവി ദിനമായി ആചരിക്കുന്നു. ചെവിയുടെയും കേൾവിയുടെയും സംരക്ഷണം എല്ലാവർക്കും ഉറപ്പാക്കുക എന്നതാണ് ഈ വർഷത്തെ കേൾവി ദിനത്തിന്റെ പ്രമേയം. ലോക കേൾവി ദിനത്തോടനുബന്ധിച്ച് തിരുവനന്തപുരം ഗവ. ആയുർവേദ കോളേജ് ആശുപത്രിയിലെ ശാലാക്യതന്ത്ര വിഭാഗം (ഐ ആൻഡ് ഇ.എൻ.ടി) മാർച്ച് 5 ന് രാവിലെ 9 മണി മുതൽ 1 മണി വരെ ആയൂർവേദ കോളേജ് ആശുപത്രി കാമ്പസിൽ കേൾവി പരിശോധന ക്യാമ്പ് സംഘടിപ്പിക്കും. ടിമ്പനോമെട്രി,  ഓഡിയോമെട്രി തുടങ്ങിയ പരിശോധനകൾ നടത്തും.