സാമ്പത്തിക തട്ടിപ്പ് കേസ്; മെൻ്റലിസ്റ്റ് ആദിക്കും സംവിധായകൻ ജിസ് ജോയ്ക്കും തിരിച്ചടി

ഇൻസോംനിയ' (Insomnia) എന്ന പരിപാടിയുടെ പേരിൽ 35 ലക്ഷം രൂപയുടെ സാമ്പത്തിക തട്ടിപ്പ് നടത്തിയെന്ന കേസിൽ മെന്റലിസ്റ്റ് ആദിക്കും ചലച്ചിത്ര സംവിധായകൻ ജിസ് ജോയ്ക്കും കനത്ത തിരിച്ചടി. തങ്ങൾക്കെതിരെയുള്ള കേസ് റദ്ദാക്കണമെന്ന് ആവശ്യപ്പെട്ട് ഇരുവരും നൽകിയ ഹർജി കേരള ഹൈക്കോടതി തള്ളി. കേസിൽ പ്രതികളുമായി യാതൊരുവിധ ഒത്തുതീർപ്പിനുമില്ലെന്ന് പരാതിക്കാരൻ കോടതിയെ വ്യക്തമായി അറിയിച്ചതിനെത്തുടർന്നാണ് ജസ്റ്റിസിന്റെ ബെഞ്ച് ഹർജി നിരസിച്ചത്.

എറണാകുളം സെൻട്രൽ പോലീസാണ് ഇവർക്കെതിരെ സാമ്പത്തിക തട്ടിപ്പ് കുറ്റത്തിന് കേസ് രജിസ്റ്റർ ചെയ്തിരിക്കുന്നത്. എന്നാൽ തങ്ങൾക്കെതിരെയുള്ള ആരോപണങ്ങൾ പൂർണ്ണമായും വ്യാജമാണെന്ന് കാണിച്ച് ഇരുവരും രംഗത്തെത്തിയിരുന്നു.