‘സിയാല്‍ ലാഭം സ്വകാര്യവത്കരിക്കാതെ സാമൂഹ്യവത്കരിക്കുന്നു; സമ്പൂർണ്ണ ഡിജിറ്റൽവൽക്കരണമെന്ന ലക്ഷ്യം യാഥാർഥ്യമാകുന്നു: മുഖ്യമന്ത്രി
നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ ആധുനികവത്കരണത്തിന്റെ ഭാഗമായി നടപ്പാക്കുന്ന വിവിധ പദ്ധതികളുടെ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചു. ലാഭം സ്വകാര്യവത്കരിക്കാതെ സാമൂഹ്യവത്കരിക…
നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ ആധുനികവത്കരണത്തിന്റെ ഭാഗമായി നടപ്പാക്കുന്ന വിവിധ പദ്ധതികളുടെ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചു. ലാഭം സ്വകാര്യവത്കരിക്കാതെ സാമൂഹ്യവത്കരിക്കുന്ന മാതൃകാപരമായ നിലപാടാണ് സിയാല്‍ സ്വീകരിക്കുന്നതെന്ന് അദ്ദേഹം പറഞ്ഞു. ഓരോ വര്‍ഷവും നെടുമ്പാശ്ശേരിയില്‍ യാത്രക്കാരുടെ എണ്ണം വര്‍ധിക്കുന്നുവെന്നും ഇത് മികച്ച സൗകര്യങ്ങള്‍ ഒരുക്കിയതിന്റെ ഫലമാണെന്നും മുഖ്യമന്ത്രി പിണറായി വിജയന്‍ പറഞ്ഞു. വയനാട് ടൗണ്‍ഷിപ്പ് നിര്‍മാണത്തില്‍ സിയാല്‍ സഹകരിക്കുന്നതായും മുഖ്യമന്ത്രി ചൂണ്ടിക്കാട്ടി.
ആധുനികവത്കരണത്തിനായി 200 കോടി രൂപയാണ് സിയാല്‍ മുടക്കുന്നത്. സമ്പൂര്‍ണ ഡിജിറ്റല്‍വത്കരണമാണ് ലക്ഷ്യം. ഇത് വഴി സുരക്ഷയും കാര്യക്ഷമതയും വര്‍ധിപ്പിക്കാനാകും. ടെര്‍മിനലുകളില്‍ സ്ഥാപിക്കുന്ന ഫുള്‍ ബോഡി സ്‌കാനര്‍, ഓട്ടോമാറ്റിക് റിട്രീവര്‍ സിസ്റ്റം എന്നിവയാണ് മറ്റ് പ്രത്യേകതകള്‍. സിയാല്‍ കണ്‍വന്‍ഷന്‍ സെന്ററില്‍ നടന്ന ചടങ്ങില്‍ മന്ത്രി പി രാജീവ് അധ്യക്ഷനായി. സിയാല്‍ ഡയറക്ടര്‍ എം എ യൂസഫലി, എം പിമാര്‍, എം എല്‍ എമാര്‍, മറ്റ് ജനപ്രതിനിധികള്‍ എന്നിവര്‍ ചടങ്ങില്‍ പങ്കെടുത്തു.
ആധുനികവത്കരണത്തിനായി 200 കോടി രൂപയാണ് സിയാല്‍ മുടക്കുന്നത്. സമ്പൂര്‍ണ ഡിജിറ്റല്‍വത്കരണമാണ് ലക്ഷ്യം. ഇത് വഴി സുരക്ഷയും കാര്യക്ഷമതയും വര്‍ധിപ്പിക്കാനാകും. ടെര്‍മിനലുകളില്‍ സ്ഥാപിക്കുന്ന ഫുള്‍ ബോഡി സ്‌കാനര്‍, ഓട്ടോമാറ്റിക് റിട്രീവര്‍ സിസ്റ്റം എന്നിവയാണ് മറ്റ് പ്രത്യേകതകള്‍. സിയാല്‍ കണ്‍വന്‍ഷന്‍ സെന്ററില്‍ നടന്ന ചടങ്ങില്‍ മന്ത്രി പി രാജീവ് അധ്യക്ഷനായി. സിയാല്‍ ഡയറക്ടര്‍ എം എ യൂസഫലി, എം പിമാര്‍, എം എല്‍ എമാര്‍, മറ്റ് ജനപ്രതിനിധികള്‍ എന്നിവര്‍ ചടങ്ങില്‍ പങ്കെടുത്തു.
