മലമ്പുഴ ബ്ലോക്ക് പഞ്ചായത്തില് പ്രോജക്ട് ക്ലിനിക് സംഘടിപ്പിച്ചു
മാലിന്യമുക്തം നവകേരളം ക്യാമ്പയിന്റെ ഭാഗമായി മലമ്പുഴ ബ്ലോക്ക് പഞ്ചായത്ത് തദ്ദേശ സ്വയംഭരണ സ്ഥാപനങ്ങളുടെ പ്രോജക്ട് ക്ലിനിക് സംഘടിപ്പിച്ചു. ജില്ലാ ശുചിത്വ മിഷന്‍ കോ-ഓര്‍ഡിനേറ്റര്‍ ജി…
മാലിന്യമുക്തം നവകേരളം ക്യാമ്പയിന്റെ ഭാഗമായി മലമ്പുഴ ബ്ലോക്ക് പഞ്ചായത്ത് തദ്ദേശ സ്വയംഭരണ സ്ഥാപനങ്ങളുടെ പ്രോജക്ട് ക്ലിനിക് സംഘടിപ്പിച്ചു. ജില്ലാ ശുചിത്വ മിഷന് കോ-ഓര്ഡിനേറ്റര് ജി. വരുണ് നേതൃത്വം നല്കി. മാലിന്യം ഉറവിടത്തില് തരം തിരിക്കല്, ജൈവ- ഖര-ദ്രവ മാലിന്യങ്ങളുടെ സംസ്കരണം, മാലിന്യക്കൂനകളില്ലാത്ത പൊതു ഇടങ്ങള് സൃഷ്ടിക്കല്, മാലിന്യപരിപാലന മേഖലയില് നിലവിലുള്ള സംവിധാനങ്ങളുടെ പോരായ്മകള് പരിഹരിക്കല് തുടങ്ങിയവക്ക് മുന്ഗണന നല്കാന് തീരുമാനിച്ചു.
മാലിന്യ പരിപാലന സംവിധാനവുമായി ബന്ധപ്പെട്ട പ്രോജക്ടുകള്ക്ക് വിവിധ കേന്ദ്ര സംസ്ഥാന ആവിഷ്കൃത പദ്ധതികളുടെ പരമാവധി സാധ്യതകള് ഉപയോഗപ്പെടുത്താനും തീരുമാനമായി. മലമ്പുഴ ബ്ലോക്ക് പഞ്ചായത്ത് കോണ്ഫറന്സ് ഹാളില് നടന്ന പരിപാടിയില് മലമ്പുഴ, കുഴല്മന്ദം, ആലത്തൂര് ബ്ലോക്ക് പഞ്ചായത്ത് പരിധിയില്പ്പെട്ട 21 ഗ്രാമപഞ്ചായത്തുകളിലെ പ്രസിഡന്റുമാര്, സെക്രട്ടറിമാര്, വി.ഇ.ഒമാര്, നിര്വഹണ ഉദ്യോഗസ്ഥര്, മലമ്പുഴ ബ്ലോക്ക് പഞ്ചായത്ത് സെക്രട്ടറി എസ്. സദാശിവന്, എന്നിവര് പങ്കെടുത്തു.
