പാസ്പോർട്ട് യാത്രാരേഖ മാത്രം, പൗരത്വം തെളിയിക്കാനുള്ള രേഖയല്ല; വിദേശകാര്യമന്ത്രാലയം
പാസ്പോർട്ട് എന്നത് വിദേശയാത്രകൾക്കുള്ള ഒരു യാത്രാരേഖ (Travel Document) മാത്രമാണെന്നും പൗരത്വം തെളിയിക്കാനുള്ള അന്തിമ രേഖയല്ലെന്നും വിദേശകാര്യ മന്ത്രാലയം. പാസ്പോർട്ട് സേവാ ദിനാചരണത്തോടനുബന്ധിച്ച് നടന്…
പാസ്പോർട്ട് എന്നത് വിദേശയാത്രകൾക്കുള്ള ഒരു യാത്രാരേഖ (Travel Document) മാത്രമാണെന്നും പൗരത്വം തെളിയിക്കാനുള്ള അന്തിമ രേഖയല്ലെന്നും വിദേശകാര്യ മന്ത്രാലയം. പാസ്പോർട്ട് സേവാ ദിനാചരണത്തോടനുബന്ധിച്ച് നടന്ന പരിപാടിയിലാണ് വിദേശകാര്യ മന്ത്രാലയത്തിലെ മുതിർന്ന ഉദ്യോഗസ്ഥർ ഇക്കാര്യം വ്യക്തമാക്കിയത്. വിദേശരാജ്യങ്ങളിലേക്ക് യാത്ര ചെയ്യുന്നതിനും അന്താരാഷ്ട്ര തലത്തിൽ ഒരു വ്യക്തിയുടെ ദേശീയത സാക്ഷ്യപ്പെടുത്തുന്നതിനും വേണ്ടിയുള്ളതാണ് പാസ്പോർട്ട്. അതുകൊണ്ട് തന്നെ പൗരത്വത്തിനുള്ള അന്തിമ തെളിവായി ഇതിനെ കണക്കാക്കാൻ കഴിയില്ലെന്ന് മന്ത്രാലയം വിശദീകരിച്ചു. പാസ്പോർട്ടിൽ സൂചിപ്പിച്ചിരിക്കുന്നത് പോലെ ഈ രേഖ പൂർണ്ണമായും കേന്ദ്രസർക്കാരിന്റെ ഉടമസ്ഥതയിലുള്ളതാണെന്നും ആവശ്യപ്പെടുന്ന പക്ഷം ഇത് സർക്കാരിലേക്ക് തിരികെ നൽകാൻ ഉടമസ്ഥൻ ബാധ്യസ്ഥനാണെന്നും മന്ത്രാലയം കൂട്ടിച്ചേർത്തു.
അതേസമയം, വിദേശകാര്യ മന്ത്രാലയത്തിന്റെ ഈ പരാമർശത്തിനെതിരെ ശക്തമായ വിമർശനവുമായി പ്രതിപക്ഷം രംഗത്തെത്തി. പാസ്പോർട്ട് പൗരത്വ രേഖയല്ലെങ്കിൽ പിന്നെ ഇന്ത്യൻ പൗരത്വം തെളിയിക്കാൻ ഏത് രേഖയാണ് ജനങ്ങൾ ഉപയോഗിക്കേണ്ടതെന്ന് മുതിർന്ന കോൺഗ്രസ് നേതാവ് കപിൽ സിബൽ ചോദ്യമുന്നയിച്ചു. സർക്കാർ നിലപാടിനെതിരെ പ്രതിപക്ഷ പാർട്ടികൾ വ്യാപകമായ പ്രതിഷേധമാണ് ഉയർത്തുന്നത്.
