ഇന്ന് ലോക പുകയില വിരുദ്ധ ദിനം
മെയ് 31,ഇന്ന് ലോക പുകയില വിരുദ്ധ ദിനം .പുകയില ആരോഗ്യത്തിന് ഹാനികരം എന്ന് അറിയാമെങ്കിലും പുകവലി നിർത്താൻ മടിയുള്ളവരാണ് കൂടുതലും.യുവജനങ്ങൾ മുതൽ പ്രായമായവർ വരെ ചുമ്മാ തുടങ്ങി അവസാനം ഒഴിവാക്കാൻ പറ്റാത്ത അവസ്ഥയാണ്. 'പുകയിലയും ശ്വാസകോശ ആരോഗ്യവും' എന്നതാണ് ഇത്തവണത്തെ ലോക പുകയില വിരുദ്ധ ദിനത്തിന്റെ ഇതിവൃത്തം. പുകവലികൊണ്ട് ശ്വാസകോശത്തിന് ഉണ്ടാകുന്ന രോഗങ്ങൾ. നമ്മുടെ ആരോഗ്യം നല്ല നിലയിൽ കൊണ്ട് പോകുന്നതിനു ശ്വാസകോശം വഹിക്കുന്ന പങ്ക് എന്നിവയാണ് ഇത്തവണത്തെ പുകയില വിരുദ്ധ ദിനത്തിലൂടെ പ്രചരിപ്പിക്കുന്നത്.
ഹൃദയാഘാതം, ക്രോണിക് ബ്രോങ്കൈറ്റിസ്, ആസ്മ, മാനസിക പ്രശ്നങ്ങൾ, ശ്വാസകോശ കാൻസർ, ക്ഷയം, ആമാശയ രോഗങ്ങൾ തുടങ്ങി പുകയില ഉപയോഗിക്കുന്നതുകൊണ്ട് വരാത്ത രോഗങ്ങൾ ഇല്ല. ലോകാരോഗ്യ സംഘടനയുടെ കണക്കനുസരിച്ചു വർഷം തോറും 70 ലക്ഷത്തിലധികം പേരെയാണു പുകയില വകവരുത്തുന്നത്. പുകവലിക്കാതിരുന്നിട്ടും ബോധപൂർവമല്ലാതെ പുക ശ്വസിക്കുന്നതിലൂടെ (പാസീവ് സ്മോക്കിങ്) വർഷം തോറും മരിക്കുന്നവരുടെ എണ്ണവും ഒരു കോടി കടക്കുമെന്നാണു കണക്കുകൾ.