പ്രധാനമന്ത്രിയുടെ യോഗം: മമതയും ചന്ദ്രശേഖര് റാവുവും ചന്ദ്രബാബു നായിഡുവും പങ്കെടുക്കില്ല
ന്യൂഡൽഹി : ന്യൂഡല്ഹി: 'ഒരു രാജ്യം ഒരു തിരഞ്ഞെടുപ്പ്' എന്ന വിഷയത്തില് പ്രധാനമന്ത്രി നരേന്ദ്രമോദി വിളിച്ച വിവിധ പാര്ട്ടി അധ്യക്ഷന്മാരുടെ യോഗത്തില് പങ്കെടുക്കില്ലെന്ന് പശ്ചിമ ബംഗാള് മുഖ്യമന്ത്രി മമത ബാനര്ജി പ്രഖ്യാപിച്ചതിനു പിന്നാലെ തെലങ്കാന മുഖ്യമന്ത്രി കെ. ചന്ദ്രശേഖര് റാവുവും മുന് ആന്ധ്രാ മുഖ്യമന്ത്രിയും ടിഡിപി അധ്യക്ഷനുമായ ചന്ദ്രബാബു നായിഡുവും യോഗത്തില്നിന്ന് വിട്ടുനില്ക്കുന്നു.
എന്നാല്, ചന്ദ്രശേഖര് റാവുവിന് പകരം അദ്ദേഹത്തിന്റെ മകന് കെ.ടി രാമറാവു പ്രധാനമന്ത്രി ബുധനാഴ്ച വിളിച്ച യോഗത്തില് പങ്കെടുത്തേക്കും എന്നും അറിവുണ്ട്. ടിഡിപി അധ്യക്ഷൻ ചന്ദ്രബാബു നായിഡു വിദേശത്ത് പോകുന്നതിനാല് യോഗത്തില് പങ്കെടുക്കില്ലെന്നാണ് വിവരം.