കെ.എസ്.ആര്‍.ടി.സിക്ക് ഇത് വറുതിയുടെ ഓണക്കാലം
തിരുവനന്തപുരം: ജീവനക്കാര്ക്ക് ശമ്പളവും ബോണസും നല്‍കാന്‍ പണമില്ലാത്ത അവസ്ഥയാണ്. അതിനിടെ പൊലീസില്‍ നിന്ന് ഡപ്യൂട്ടേഷനില്‍ എത്തിയ വിജിലന്‍സ് എസ്.പിക്ക് രേഖാമൂലം ആവശ്യപ്പെട്ടതിനെ തുടര്‍ന്ന് മുഴുവന്‍ ശമ്പളവും നല്‍കിയതായി ആക്ഷേപമുണ്ട്.
33,000 വരുന്ന ജീവനക്കാരുടെ ശമ്പളത്തിന് വേണ്ടത് 80 കോടി രൂപയാണ്. ഓണം ബോണസ് നല്‍കണമെങ്കില്‍ അധികമായി 30 കോടി രൂപ വേണ്ടി വരും . സര്‍ക്കാരിനോട് ആവശ്യപ്പെട്ടത് 42 കോടി. കെ.എസ്.ആര്‍.ടി.സി എം.ഡിയുടെ കത്ത് കിട്ടിയ ഉടന്‍ ധനവകുപ്പ് അത് തളളി. എന്നാല്‍ സര്‍ക്കാരില്‍ നിന്ന് പണം നേടിയെടുക്കുന്നതില്‍ മാനേജ്മെന്റിന് വീഴ്ച വന്നുവെന്നാണ് യൂണിയനുകളുടെ പരാതി. ജീവനക്കാര്ക്ക് ശമ്ബളം കൊടുത്തില്ലെങ്കിലും വിജിലന്‍സ് എക്സിക്യുട്ടീവ് ഡയറക്ടര്‍ക്ക് മാത്രം മുഴുവന്‍ ശമ്ബളവും നല്‍കി മാനേജ്മെന്റ് മാതൃകയായി.
പ്രളയത്തെ തുടര്‍ന്ന് കഴിഞ്ഞ് മാസം വരുമാനത്തില്‍ ഗണ്യമായ കുറവുണ്ടായിരുന്നു. 185 കോടി മാത്രമാണ് ആഗസ്റ്റ് മാസത്തെ വരുമാനം. ശമ്പള കാര്യത്തില്‍ വേണ്ട ഇടപെടല്‍ ഉണ്ടായില്ലെങ്കില്‍ സര്‍ക്കാരിനെതിരെയും മാനേജ്മെമെന്റിനെതിരെയും സമരം തുടങ്ങുമെന്നാണ് എ.ഐ.ടി.യു.സി അടക്കമുള്ളവരുടെ മുന്നറിയിപ്പ്.
Related News
ഓണം ബമ്പർ: ഭാഗ്യശാലികളിൽ നിങ്ങളും ഉണ്ടോ.?
ഐഎഫ്എഫ്കെ: ഡബിള് ഡക്കര് ഓടിത്തുടങ്ങി
ലോക ചാമ്പ്യനെ വീഴ്ത്തി ഒന്നാമത്; ചരിത്രം സൃഷ്ടിച്ച് പ്രഗ്നാനന്ദ
മദ്യപാനിയുടെ ആക്രമണത്തിൽ കെ.എസ്.ആര്‍.ടി.സി കണ്ടക്ടര്ക്ക് പരിക്ക്