മരടിലെ ഫ്ളാറ്റ് പൊളിക്കാമെന്ന് സര്ക്കാര് സുപ്രീംകോടതിയില്
ന്യൂഡല്ഹി: നിയമ വിരുദ്ധമായി നിര്മിച്ച മരടിലെ ഫ്ളാറ്റുകള് പൊളിക്കാമെന്ന് സംസ്ഥാന സര്ക്കാര് സുപ്രീംകോടതിയില്. ഫ്ളാറ്റുകള് പൊളിക്കുന്നതിനു 90 ദിവസങ്ങള് വേണമെന്നും അതിന്റെ അവശിഷ്ടങ്ങള് മാറ്റാന് ഒരു മാസം കൂടി സമയം ആവശ്യമുണ്ടെന്നും സര്ക്കാര് കോടതിയില് സത്യവാങ്മൂലം സമര്പ്പിച്ചു.
ഫ്ളാറ്റുകള് പൊളിച്ചു നീക്കാന് സര്ക്കാരിനു ബുദ്ധിമുട്ടുണ്ടെങ്കില് സര്ക്കാരിന്റെ ചെലവില് മറ്റ് ഏജന്സികള്ക്ക് നല്കണമെന്നും സുപ്രീം കോടതി നിര്ദേശിച്ചു. മരട് വിഷയത്തില് നിലവിലെ സ്ഥിതിയും കൈക്കൊണ്ട നടപടികളും സംസ്ഥാന സര്ക്കാര് കോടതിയില് സമര്പ്പിച്ചപ്പോഴായിരുന്നു ജഡ്ജിയുടെ നിരീക്ഷണം. ഫ്ളാറ്റിലെ താമസക്കാരെ ബുദ്ധിമുട്ടിക്കണമെന്ന് കോടതിക്കില്ലെന്നും കോടതി നിരീക്ഷിച്ചു. അവര്ക്ക് ആവശ്യമായ നഷ്ടപരിഹാരം നല്കണം. ഇടക്കാല ആശ്വാസമായി 25 ലക്ഷം രൂപ സര്ക്കാര് താമസക്കാര്ക്ക് നല്കണം. ഇത് ഫ്ളാറ്റുടമകളില് നിന്ന് പിന്നീട് ഈടാക്കണം.സമഗ്രമായി പരിശോധിച്ച് കണക്കെടുപ്പ് നടത്തിയതിനു ശേഷം ബാക്കി തുക തീരുമാനിക്കണമെന്നും കോടതി ഉത്തരവിട്ടു. ഫ്ളാറ്റിലെ താമസക്കാര്ക്ക് മതിയായ നഷ്ടപരിഹാരം നിശ്ചയിക്കുന്നതിനായി വിരമിച്ച ഹൈക്കോടതി ജഡ്ജിയുടെ അധ്യക്ഷതയില് ഒരു കമ്മിറ്റിയും രൂപീകരിച്ചു