ജീം ബൂം ബാ പ്രേക്ഷക മനം കവരുന്നു
ജീം ബൂം ബാ - നമ്മൾ പല മാന്ത്രിക കഥകളിലും കേട്ടിട്ടുള്ളൊരു വാക്കായിരിക്കും ഇത്.എന്നാൽ ജീം ബൂം ബാ എന്ന മലയാള ചിത്രം പതുക്കെ പ്രേക്ഷക മനം കവരുകയാണ്. നവാഗതനായ രാഹുൽ രാമചന്ദ്രനാണ് ഈ ചിത്രത്തിന്റെ സംവിധായകൻ. തിരക്കഥ ഒരുക്കിയിരിക്കുന്നത് വിവേക് രാജ്, ലിമു ശങ്കർ, രാഹുൽ രാമചന്ദ്രൻ എന്നിവർ ചേർന്നാണ്.
അസ്‌കർ അലി,ബൈജു,അഞ്ജു കുര്യൻ എന്നിവരാണ് പ്രധാന വേഷങ്ങളിൽ എത്തുന്നത്.തികഞ്ഞ ഒരു പക്കാ എന്റർറ്റൈനെർ ഫാന്റസി കോമഡി ചിത്രമാണ് ജീം ബൂം ബാ. മിസ്റ്റിക് ഫ്രയിംസിന്റെ ബാനറിൽ സച്ചിൻ വി.ജി ആണ് ചിത്രം നിർമ്മിച്ചിരിക്കുന്നത്.ഒരു ന്യൂ ഇയർ രാത്രിയിൽ നടക്കുന്ന സംഭവത്തെ അടിസ്ഥാനപ്പെടുത്തി ചിത്രീകരിച്ചതാണ് ജീം ബൂം ബാ. ജയ് ഹരിയുടെ മികച്ച സംഗീതവും അനൂപിൻറെ മികച്ച ഛായാഗ്രഹണവും ചിത്രത്തിന് മേന്മ കൂട്ടുന്ന ഘടകങ്ങളാണ്.
പ്രധാന താരങ്ങളെ കൂടാതെ ഒരു കൂട്ടം നവാഗത ചെറുപ്പക്കാരെ ഈ ചിത്രം മലയാള സിനിമക്ക് സമ്മാനിക്കുന്നു.കണ്ണൻ നായർ, അനീഷ് ഗോപാലൻ എന്നിവരോടപ്പം രതീഷ് രോഹിണി, അരുൺ, രാഹുൽ, നിതീഷ് രമേഷ് എന്നിവരാണ് ചിത്രത്തിലെ അഭിനേതാക്കൾ.ഈ മുഴുനീളെ കോമഡി ചിത്രം നിറഞ്ഞ സദസ്സിൽ പ്രദർശനം തുടരുകയാണ്.
Related News