ലോകത്ത് കൊവിഡ് മരണം 6.25 ലക്ഷം കടന്നു
ലോകത്ത് കൊവിഡ് മരണം 6.25 ലക്ഷം കടന്നു. ആകെ രോഗികള് ഒരു കോടി 53 ലക്ഷത്തി 52 ആയിരം കവിഞ്ഞു. അമേരിക്കയിലും ബ്രസീലിലും 24 മണിക്കൂറിനിടെ ആയിരത്തിലധികം പേര് മരിച്ചു. അമേരിക്കയില് ജൂണിന് ശേഷം ഇതാദ്യമായാണ് പ്രതിദിനമരണ നിരക്ക് ആയിരം കടക്കുന്നത്. 24മണിക്കൂറിനിടെ 66,853 പേര്ക്ക് അമേരിക്കയിലും, 65,339 പേര്ക്ക് ബ്രസീലിലും രോഗം സ്ഥിരീകരിച്ചു.
ഇന്ത്യയില് കൊവിഡ് രോഗികളുടെ എണ്ണം 1,239,684 ആയി ഉയര്ന്നു. 24 മണിക്കൂറിനിടെ 45,599 പുതിയ കേസുകള് റിപ്പോര്ട്ട് ചെയ്തു. കൊവിഡ് ബാധിച്ച് ആകെ മരിച്ചവരുടെ എണ്ണം 29,890 ആയി. 784,266 പേര് രോഗമുക്തി നേടി.
മഹാരാഷ്ട്ര, ആന്ധപ്രദേശ്, തമിഴ്നാട് എന്നീ സംസ്ഥാനങ്ങളില് സ്ഥിതി അതീവ ഗുരുതരമാണ്. പ്രതിദിന രോഗബാധ മഹാരാഷ്ട്രയില് പതിനായിരവും ആന്ധ്രപ്രദേശില് ആറായിരവും തമിഴ്നാട്ടില് അയ്യായിരവും കടന്നു. ആകെ രോഗികള് എഴുപത്തി അയ്യായിരം കടന്ന കര്ണ്ണാടകത്തില് മരണം ആയിരത്തി അഞ്ഞൂറ് പിന്നിട്ടു. ഉത്തര്പ്രദേശ്, പശ്ചിമ ബംഗാള് എന്നീ സംസ്ഥാനങ്ങളില് രണ്ടായിരത്തിലേറെ കേസുകളാണ് തുടര്ച്ചയായി റിപ്പോര്ട്ട് ചെയ്യുന്നത്.