വിവാദ ഉദ്ഘാടന പരിപാടി; തൊപ്പിയ്ക്കെതിരെ കേസെടുത്ത് പൊലീസ്
ന്യൂഡല്ഹി: പ്രധാനമന്ത്രി നരേന്ദ്ര മോദിക്ക് പിന്നാലെ കേന്ദ്ര ആഭ്യന്തരമന്ത്രി അമിത് ഷായും കോവിഡ് വാക്സിന് ആദ്യ ഡോസ് സ്വീകരിച്ചു. ഗുരുഗ്രാമിലെ മെദാന്ത ആശുപത്രിയിലാണ് അമിത് ഷാ വാക്സിന് സ്വീകരിച്ചത്. വിദേശകാര്യ മന്ത്രി എസ്. ജയ്ശങ്കറും വാക്സിന് സ്വീകരിച്ചു.
\n
\nഇന്ന് രാവിലെയാണ് ഡല്ഹി എയിംസ് ആശുപത്രിയില് നിന്ന് പ്രധാനമന്ത്രി നരേന്ദ്ര മോദി ആദ്യ ഡോസ് വാക്സിന് സ്വീകരിച്ചത്. ഇന്ത്യ തദ്ദേശീയമായി വികസിപ്പിച്ച കോവാക്സീനാണ് മോദി സ്വീകരിച്ചതെന്ന് വാര്ത്താ ഏജന്സികള് റിപ്പോര്ട്ട് ചെയ്തു. രാജ്യത്തെ മുഴുവന് പൗരന്മാരും വാക്സിന് സ്വീകരിക്കണമെന്ന് പ്രധാനമന്ത്രി ആഭ്യര്ഥിച്ചു. നമ്മുടെ േഡാക്ടര്മാരും ശാസ്ത്രജ്ഞന്മാരും കോവിഡ് 19 നെതിരെ നടത്തുന്ന പോരാട്ടം സ്തുത്യര്ഹമാണെന്ന് അദ്ദേഹം ട്വീറ്റ് ചെയ്തു.
\nരാജ്യത്ത് സര്ക്കാര് ആശുപത്രികള് മുഖേന ഇന്ന് മുതല് സൗജന്യ വാക്സിന് വിതരണം ആരംഭിച്ചിരിക്കുകയാണ്. 60 വയസിന് മുകളില് പ്രായമായവര്ക്ക് പുറമേ മറ്റ് രോഗങ്ങളുള്ള 45 വയസിന് മുകളില് പ്രായമുള്ളവര്ക്കുമായിരിക്കും പ്രഥമ പരിഗണന. ഈ ഘട്ടത്തില് 27 കോടിയാളുകളിലേക്ക് വാക്സിന് എത്തിക്കാനാകുമെന്നാണ് സര്ക്കാര് കണക്ക്കൂട്ടുന്നത്. ആദ്യ ഘട്ടത്തില് ആരോഗ്യപ്രവര്ത്തകര് ഉള്പ്പടെയുള്ള കോവിഡ് പോരാളികള്ക്കാണ് വാക്സിന് നല്കിയിരുന്നത്. നിലവില് രാജ്യത്ത് ഒന്നേകാല് കോടിയാളുകള് വാക്സിന് സ്വീകരിച്ചിട്ടുണ്ട്.