ട്രോളിംഗ് നിരോധനം ബുധനാഴ്ച അര്‍ധരാത്രിയോട് കൂടി അവസാനിക്കും
വൈപ്പിന്‍: കഴിഞ്ഞ 52 ദിവസമായുള്ള ട്രോളിംഗ് നിരോധനം ബുധനാഴ്ച അര്‍ധരാത്രി അവസാനിക്കും.ബുധനാഴ്ച രാത്രി 12 മണിക്ക് ശേഷമാണ് ബോട്ടുകള്‍ കടലിലേക്ക് ഇറക്കുക. കടലില്‍ പോകാനുള്ള ഒരുക്കങ്ങൾ പൂർത്തിയാക്കി മല്‍സ്യ ബന്ധനത്തൊഴിലാളികള്‍.
ഏകദേശം 1200ല്‍ പരം മല്‍സ്യബന്ധന ബോട്ടുകളാണ് ട്രോളിംഗിനു പോകാന്‍ തയ്യാറെടുക്കുന്നത്. ട്രോളിംഗ് നിരോധനത്തെ തുടര്‍ന്ന് നാട്ടിലേക്ക് പോയ ഇതര സംസ്ഥാന തൊഴിലാളികള്‍ കൂട്ടമായി തിരിച്ചെത്തിയതോടെ ഹാര്‍ബര്‍ ഉണര്‍ന്നിരിക്കുകയാണ്.ബോട്ടുകളില്‍ വലകളും,ഭക്ഷണ സാധനങ്ങളും,ഐസുകളും എല്ലാം നിറയ്ക്കാന്‍ തുടങ്ങിയതോടെ വലക്കടകള്‍,പലചരക്ക് കടകള്‍ ,ഐസ് പ്ലാന്‍ന്റുകള്‍ എന്നിവിടങ്ങളിലെല്ലാം വന്‍ തിരക്ക് അനുഭവപ്പെടുകയാണ്.
മറൈന്‍ ഡീസല്‍ പമ്പുകള്‍ക്ക് ഈ മാസം 31 വരെ നിരോധനമായതിനാല്‍ 31 നു രാവിലെ മുതല്‍ക്കേ ബോട്ടുകളില്‍ ഇന്ധനം നിറച്ചു തുടങ്ങുകയുള്ളു. യാര്‍ഡുകളില്‍ അറ്റക്കുറ്റപണിക്കായി കയറ്റിയ ബോട്ടുകള്‍ അവസാന ഒരുക്കത്തിലാണ്.
Related News
ഫിഷറീസ് കോൾ സെൻറർ ഉദ്ഘാടനം ഇന്ന്
സംസ്ഥാനത്ത് നാളെ അര്‍ധരാത്രി മുതല് ട്രോളിങ് നിരോധനം
സ്വകാര്യബസ് ഉടമകളുടെ സമ്മർദത്തിന് സർക്കാർ വഴങ്ങില്ല: മന്ത്രി ആന്റണി രാജു
ലക്ഷദ്വീപിലുള്ള മീന്പിടിക്കുന്ന ബോട്ടുകളില്‍ സര്ക്കാര് ഉദ്യോഗസ്ഥനെ നിയമിക്കണമെന്ന് ഉത്തരവ്