ജമ്മു കശ്മീരില്‍ ഭീകരര്‍ അറസ്റ്റില്‍

News Desk

17 February 2021 10:48 PM

ശ്രീനഗര്‍: ജമ്മു കശ്മീരില്‍ ഭീകരര്‍ അറസ്റ്റില്‍. ഹിസ്ബുള്‍ മുജാഹിദ്ദീന്‍ ഭീകരരായ ഷഫാത്ത് അഹമ്മദ് സോഫി, മജീദ് മുഹമ്മദ് ഭട്ട്, ഉമര്‍ റഷീദ് വാണി എന്നിവരാണ് അറസ്റ്റില്‍ ആയിരിക്കുന്നത്. പുല്‍വാമ ജില്ലയിലെ ബത്തഗുണ്ട്, ദദ്‌സര മേഖലകളില്‍ നടത്തിയ അന്വേഷണത്തിലാണ് ഇവര്‍ പിടിയിലായത്.

മേഖലകളില്‍ ഭീകരരുടെ സാന്നിദ്ധ്യമുള്ളതായി രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തില്‍ നടത്തിയ പരിശോധനയിലാണ് ഇവരെ അറസ്റ്റ് ചെയ്തിരിക്കുന്നത്. സിആര്‍പിഎഫ് 180 ബറ്റാലിയന്‍, രാഷ്ട്രീയ റൈഫിള്‍സ് 42 ബറ്റാലിയന്‍, പോലീസ് എന്നിവരുടെ സംയുക്ത സംഘമാണ് പ്രദേശത്ത് തെരച്ചില്‍ നടത്തിയത്. അറസ്റ്റിന് ശേഷം ഇവരുടെ വീടുകളില്‍ നടത്തിയ പരിശോധനയില്‍ സ്‌ഫോടക വസ്തുക്കള്‍ കണ്ടെത്തി. ഐഇഡികള്‍, ബോംബ് നിര്‍മ്മാണത്തിനുള്ള സാമഗ്രികള്‍ എന്നിവയാണ് പിടിച്ചെടുത്തത്.