ആരോഗ്യപ്രവര്‍ത്തകരുടെ സസ്‌പെന്‍ഷന്‍; സര്‍ക്കാര്‍ മെഡിക്കല്‍ കോളേജുകളില്‍ ഇന്ന് ഒ.പി. ബഹിഷ്കരണം
തിരുവനന്തപുരം മെഡിക്കല്‍ കൊളേജില്‍ രോഗിയെ പുഴുവരിച്ച സംഭവത്തില്‍ അച്ചടക്ക നടപടി പിന്‍വലിക്കണം എന്നാവശ്യപ്പെട്ടുള്ള സമരം ശക്തമാക്കി സര്‍ക്കാര്‍ ഡോക്ടര്‍മാര്‍. ഇന്ന് സംസ്ഥാനത്തെ മുഴുവന്‍ മെഡിക്കല്‍ കോളേജ് ആശുപത്രികളിലും രണ്ട് മണിക്കൂര്‍ ഒപി ബഹിഷ്ക്കരിക്കും.
രാവിലെ 8 മണി മുതല്‍ പത്തു മണി വരെയാണ് സംസ്ഥാന വ്യാപക ഒപി ബഹിഷ്കരണം. സസ്പെന്‍ഷനില്‍ തീരുമാനമായില്ലെങ്കില്‍ അനിശ്ചിത കാലത്തേക്ക് ബഹിഷ്കരണം ഉണ്ടാവും.
മെഡിക്കല്‍ കോളേജുകളില്‍ എല്ലാ ക്ലാസുകളും നിര്‍ത്തിവെക്കാനും, കോവിഡ് നോഡല്‍ ഓഫീസര്‍ സ്ഥാനങ്ങള്‍ രാജിവെക്കാനും തീരുമാനമായി. ഡോക്ടര്‍മാര്‍ക്ക് പുറമെ നഴ്സുമാരുടെ സംഘടനയായ കെജിഎന്‍എയും തിരുവനന്തപുരം മെഡിക്കല്‍ കോളേജ് ആശുപത്രിയില്‍ റിലേ സത്യാഗ്രഹ സമരം തുടങ്ങി.
അതേസമയം കൊവിഡ് ചികിത്സയെയും അടിയന്തിര വിഭാഗങ്ങളെയും ശസ്ത്രക്രിയകളെയും ബാധിക്കാത്ത തരത്തിലാകും സമരം. ഡോക്ടര്‍മാര്‍ക്കൊപ്പം കെജിഎന്‍എയും ഇന്ന് തിരുവനന്തപുരം മെഡിക്കല്‍ കോളേജില്‍ അനിശ്ചിതകാല റിലേ സത്യാഗ്രഹം തുടങ്ങി.
Related News
വാക്സിന്‍ ആദ്യം ആരോഗ്യപ്രവര്‍ത്തകര്‍ക്ക്
ആരോഗ്യ പ്രവര്‍ത്തകരെ രാഷ്ട്രീയമായി ഉപയോഗിക്കാന്‍ ശ്രമം: മന്ത്രി ശൈലജ
ആരോഗ്യപ്രവര്‍ത്തകരുടെ റിലേ സമരം അവസാനിപ്പിച്ചു