കെ.എസ്.ആര്.ടി.സി സമരത്തിനിടെ കുഴഞ്ഞുവീണ യാത്രക്കാരന് മരിച്ചു
തിരുവനന്തപുരം•തിരുവനന്തപുരത്ത് കെ.എസ്.ആര്.ടി.സി ജീവനക്കാര് നടത്തിയ മിന്നല് പണിമുടക്കിനിടെ നഗരത്തില് കുഴുഞ്ഞുവീണ യാത്രക്കാരന് മരിച്ചു. കടകംപള്ളി സ്വദേശിയായ സുരേന്ദ്രന് (60) ആണ് മരിച്ചത്. കിഴക്കേക്കോട്ട ബസ് സ്റ്റാന്ഡില് വച്ച് കുഴഞ്ഞുവീണ ഇദ്ദേഹത്തെ ഏറെനേരത്തിന് ശേഷം പോലീസ് ആംബുലന്സില് ആശുപത്രിയില് എത്തിച്ചു പ്രാഥമിക ശ്രുശൂഷ നല്കിയെങ്കിലും ജീവന് രക്ഷിക്കാനായില്ല. സുരേന്ദ്രന്റെ മൃതദേഹം ഇപ്പോള് തിരുവനന്തപുരം ജനറല് ആശുപത്രിയില് സൂക്ഷിച്ചിരിക്കുകയാണ്. മരണകാരണത്തെക്കുറിച്ച് കൂടുതല് വിശദാംശങ്ങള് ലഭ്യമായിട്ടില്ല.
അതേസമയം, കെ.എസ്.ആര്.ടി.സി ജീവനക്കാര് അഞ്ച് മണിക്കൂറായി നടത്തി വന്നിരുന്ന പണിമുടക്ക് പിന്വലിച്ചു. ജീവനക്കാരുടെ സംഘടന നേതാക്കളും ഡി.സി.പിയുമായി നടത്തിയ ചര്ച്ചയിലാണ് സംസാരം പിന്വലിക്കാന് തീരുമാനമായത്.