നിയമസഭാ തെരഞ്ഞെടുപ്പ് പ്രഖ്യാപനം മാര്ച്ച് ആദ്യ വാരം; സൂചന നല്കി പ്രധാനമന്ത്രി
ഗുവാഹത്തി: നിയമസഭാ തെരഞ്ഞെടുപ്പ് തീയതികള് മാര്ച്ച് ആദ്യവാരം പ്രഖ്യാപിക്കാന് സാധ്യതയുണ്ടെന്ന് പ്രധാനമന്ത്രി നരേന്ദ്ര മോദി. അന്തിമ തീരുമാനമെടുക്കേണ്ടത് തെരഞ്ഞെടുപ്പ് കമ്മീഷനാണെന്നും മോദി പറഞ്ഞു. ആസാമില് നടന്ന തെരഞ്ഞെടുപ്പ് റാലിയില് സംസാരിക്കവെയാണ് മോദി ഇക്കാര്യം അറിയിച്ചത്. 2016ലെ നിയമസഭ തെരഞ്ഞെടുപ്പ് തീയതികള് മാര്ച്ച് നാലിനാണ് പ്രഖ്യാപിച്ചത്. അതുപോലെ ഇത്തവണയും മാര്ച്ച് ആദ്യവാരം തീയതികള് പ്രഖ്യാപിക്കുമെന്നാണ് പ്രതീക്ഷിക്കുന്നതെന്നും മോദി പറഞ്ഞു. കേരളം, പുതിച്ചേരി, പശ്ചിമ ബംഗാള്, ആസാം, തമിഴ്നാട് എന്നിങ്ങനെ അഞ്ചിടങ്ങളിലാണ് നിയമസഭ തെരഞ്ഞെടുപ്പ് നടക്കാനിരിക്കുന്നത്.