"വാട്ട്സാപ്പില്‍ നാളെ മുതല്‍ അയക്കുന്ന മെസേജുകള്‍ക്ക് 3 ബ്ലൂ ടിക് വീണാല്‍ സ‍ര്‍ക്കാര്‍ നിങ്ങളുടെ മെസേജ് കണ്ടു", വ്യാജപ്രചാരണങ്ങള്‍ക്കെതിരെ കേരള പൊലീസും പിഐബിയും

News Desk

02 February 2021 08:56 PM

തിരുവനന്തപുരം: കഴിഞ്ഞ കുറച്ചു ദിവസങ്ങളായി വാട്ട്സാപ്പിലും മറ്റ് സോഷ്യല്‍ മീഡിയയിലും വ്യാപകമായി പ്രചരിക്കുന്ന മെസേജുകളില്‍ ഒന്നാണ് നിങ്ങള്‍ അയക്കുന്ന സന്ദേശത്തിനു ൩മൂന്നു ബ്ലൂ ടിക് വീണാല്‍ സര്‍ക്കാര്‍ ആ മെസേജ് കണ്ടു എന്നുള്ളത്.എല്ലാ മെസേജുകളും സര്‍ക്കാരിനും സര്‍ക്കാരിന്റെ മറ്റ് വിഭാ​ഗങ്ങള്‍ക്കും കാണാന്‍ സാധിക്കുമെന്നാണ് ഇത്തരം പ്രചാരണങ്ങളുടെ ഉള്ളടക്കം.

എന്നാല്‍ ഈ മെസേജുകളില്‍ ഉള്ള വിവരങ്ങള്‍ വ്യാജമാണെന്ന് പ്രസ് ഇന്‍ഫോര്‍മേഷന്‍ ബ്യുറോയെ ഉദ്ദരിച്ച കേരള പൊലീസും അറിയിച്ചിട്ടുണ്ട്. ഈ മെസേജുകള്‍ ആദ്യം തന്നെ വടക്കെ ഇന്ത്യയില്‍ വന്‍തോതില്‍ വ്യാജ പ്രചാരണം ലഭിച്ചപ്പോഴാണ് പ്രസ്സ് ഇന്‍ഫര്‍മേഷന്‍ ബ്യുറോയുടെ ഫാക്‌ട് ചെക്കില്‍ കണ്ടെത്തിയതായാണ് പോലീസ് അറിയിച്ചിരിക്കുന്നത്.

കേരള പോലീസ് പറയുന്നത് ഇങ്ങനെ.

നാളെ മുതല്‍ വാട്സ്‌ആപ്പ് നും വാട്സ്‌ആപ്പ് കാള്‍സിനും നടപ്പിലാവുന്ന പുതിയ നിയമങ്ങള്‍, Tʜʀᴇᴇ ʙʟᴜᴇ ✓✓✓ = നിങ്ങളുടെ മെസ്സേജ് ഗവണ്‍മെന്റ് കണ്ടു, എല്ലാ കോളുകളും റെക്കോര്‍ഡ് ചെയ്യും.. എന്ന രീതിയില്‍ വാട്സാപ്പില്‍ പ്രചരിക്കുന്ന വാര്‍ത്ത ശരിയാണോ എന്ന് ചോദിച്ചുകൊണ്ട് നിരവധി പേര്‍ ഈ പേജിലേക്ക് മെസ്സേജ് അയക്കുന്നുണ്ട്. ഈ വാര്‍ത്ത വ്യാജമാണെന്ന് കേന്ദ്ര ഗവണ്‍മെന്റിന്റെ ഫാക്‌ട് ചെക്ക് വിഭാഗമായ PIB Fact Check നേരത്തെ തന്നെ വിശദീകരിച്ചുകൊണ്ട് ട്വീറ്റ് ചെയ്തിട്ടുണ്ട്. ലിങ്ക് കാണുക.
https://twitter.com/PIBFactCheck/status/1355082402066907141
ഇത്തരം വ്യാജ പ്രചാരണങ്ങളില്‍ വീഴാതിരിക്കുക. പ്രചരിപ്പിക്കാതിരിക്കുക.