കഠിനംകുളം കൂട്ടബലാത്സംഗം ചെയ്തു; ഭര്ത്താവടക്കം നാല് പേര് കസ്റ്റഡിയില്
തിരുവനന്തപുരം :വ്യാഴാഴ്ച തിരുവനന്തപുരത്ത് നടന്ന കൂട്ട ബലാത്സംഗ കേസിൽ യുവതിയുടെ ഭര്ത്താവും സുഹൃത്തുക്കളും കസ്റ്റഡിയില്. ഭര്ത്താവടക്കം ആറു പേരെ പോലീസ് കസ്റ്റഡിയില് എടുത്തതായാണ് സൂചന. ആശുപത്രിയില്നിന്നു ഡിസ്ചാര്ജ് ചെയ്ത യുവതിയുടെ ആരോഗ്യനില തൃപ്തികരമാണ്. ഇവരുടെ മൊഴി വീണ്ടും രേഖപ്പെടുത്താന് പൊലീസ് തീരുമാനിച്ചു. കൂടാതെ രഹസ്യ മൊഴിയും രേഖപ്പെടുത്താന് പോലീസ് തീരുമാനിച്ചിട്ടുണ്ട്. ഭര്ത്താവ് അന്സാറാണ് തനിക്ക് മദ്യം നല്കിയതെന്നാണ് യുവതിയുടെ മൊഴി. കസ്റ്റഡിയിലുള്ളവരെ വിശദമായി ചോദ്യം ചെയ്തതിനു ശേഷമായിരിക്കും പ്രതികളുടെ അറസ്റ്റ് രേഖപ്പെടുത്തുക.
മദ്യം നല്കിയ ശേഷം ഭര്ത്താവും സുഹൃത്തുക്കളുമായി വാക്കുതര്ക്കം ഉണ്ടായെന്നും പിന്നീട് ഭര്ത്താവ് വീട്ടില് നിന്നും ഇറങ്ങിപ്പോയെന്നുമാണ് വിവരം. ഇതിനു ശേഷമാണ് ബലാത്സംഗം നടന്നത്.ഭര്ത്താവിന്റെ വീട്ടില് താമസിക്കുകയായിരുന്ന യുവതിയെ വൈകിട്ട് നാലരയോടെ വാഹനത്തില് കയറ്റി മറ്റൊരിടത്ത് കൊണ്ടുപോയ ശേഷമായിരുന്നു ഇത്. നിര്ബന്ധിച്ചാണ് മദ്യം കുടിപ്പിച്ചത്. ഭര്ത്താവും ആറ് സുഹൃത്തുക്കളും ചേര്ന്നാണ് യുവതിയെ പീഡിപ്പിച്ചത്.
രക്ഷപ്പെട്ട് ഇറങ്ങിയോടിയ യുവതിയെ നാട്ടുകാര് കണിയാപുരത്തുള്ള തന്റെ വീട്ടിലെത്തിക്കുകയായിരുന്നു. വളരെ ക്ഷീണിതയായ യുവതി അബോധാവസ്ഥയിലായതോടെ ആശുപത്രിയിലാക്കുകയും പൊലീസിനെ വിവരമറിയിക്കുകയും ചെയ്തു. യുവതി ക്രൂരമായ ഉപദ്രവത്തിന് ഇരയായെന്നാണ് ആശുപത്രി അധികൃതര് പറയുന്നത്. ദേഹത്ത് മുറിവുകളും പാടുകളുമുണ്ട്. പ്രതികളുടെ അറസ്റ്റ് ഉച്ചയോടെയുണ്ടാകുമെന്നാണ് സൂചന .വ്യാഴാഴ്ച വൈകിട്ട് പോത്തന്കോട് ഉള്ള ഭര്ത്താവിന്റെ വീട്ടില് നിന്ന് നാല് മണിയോട് കൂടിയാണ് ഭര്ത്താവ് വാഹനത്തില് കയറ്റി പുതുക്കുറിച്ചിയില് ഇവരെ കൊണ്ടുപോയത്. ഇവിടെ വച്ചയിരുന്നു പീഡിപ്പിച്ചത്.