Thursday, October 01, 2020
 
 
News Automobiles

നഗരത്തിൽ നഗരസഭയുടെ ഇ റിക്ഷകൾക്ക് പുറമെ ഇ ഓട്ടോകളും നിരത്തിലിറങ്ങി

the indian state Admin
22 August 2020 08:43 PM

നഗരത്തിൽ കൂടുതൽ പരിസ്ഥിതി സഹൃദ വാഹനങ്ങൾ പ്രോത്സാഹിപ്പിക്കുന്നതിന്റെ ഭാഗമായി നഗരസഭ സ്മാർട്ട് സിറ്റി പദ്ധതിയിൽ ഉൾപ്പെടുത്തി വാങ്ങിയ 15 ഇ ഓട്ടോകളുടെടെ ഉദ്ഘാടനവും ഫ്ലാഗ് ഓഫും മന്ത്രി ഇപി.ജയരാജൻ നിർവഹിച്ചു. മന്ത്രി കടകംപള്ളി സുരേന്ദ്രൻ താക്കോൽ ദാനം നടത്തി. മേയർ കെ.ശ്രീകുമാർ അധ്യക്ഷനായി. വനിതകൾ തന്നെയാണ് ഇ ഓട്ടോയുടെയും ഗുണഭോക്താക്കൾ. 2.95 ലക്ഷം രൂപയാണ് ഒരു ഇ ഓട്ടോയുടെ വില. ഇ - ഓട്ടോകൾ വാങ്ങിയിട്ടുള്ളത് പൊതുമേഖലാ സ്ഥാപനമായ കെഎഎല്ലിൽ നിന്നാണ്.

ഇലക്ട്രിക് ഓട്ടോകൾക്ക് ലഭിക്കുന്ന മൈലേജ് സാധാരണ ഓട്ടോയേക്കാൾ ഉയർന്നതാണെങ്കിലും , ഗതാഗത വകുപ്പ് സാധാരണ ഓട്ടോകൾക്കായി നിശ്ചയിച്ചിരിക്കുന്ന നിരക്കിന് തുല്യമായിരിക്കും ഇ ഓട്ടോ നിരക്കും. ഒരു സാധാരണ ഓട്ടോയ്ക്ക് ഒരു കിലോമീറ്റർ സഞ്ചരിക്കുന്നതിന് 2.5 രൂപ മുതൽ 3രൂപ വരെയാകും പ്രവർത്തനച്ചെലവ്. എന്നാൽ ഇ - ഓട്ടോയുടെ പ്രവർത്തനച്ചെലവ് ഏകദേശം കിലോമീറ്ററിന് 50 പൈസയാണ് . ഇ ഓട്ടോയിൽ ഓട്ടോമേറ്റഡ് ട്രാൻസ്മിഷൻ സംവിധാനമുള്ളതുകൊണ്ട് ഓടിക്കാനും എളുപ്പമാണ്.

ഡ്രൈവർക്ക് അവരുടെ വീടുകളിൽ തന്നെ വാഹനങ്ങൾ ചാർജ് ചെയ്യാൻ കഴിയും, കൂടാതെ ഒറ്റ ചാർജിൽ 85 കിലോമീറ്ററോളം ഓടിക്കാനും കഴിയും. കൂടാതെ നഗരത്തിനുള്ളിലെ വിവിധ സ്ഥലങ്ങളിൽ ചാർജിംഗ് സ്റ്റേഷനുകളും സ്ഥാപിക്കുന്നുണ്ട്. 90 എ എച്ച് ലിഥിയം അയൺ ബാറ്ററിയാണ് വാഹനത്തിൽ  ഉപയോഗിക്കുന്നത്. മോട്ടോർ വെഹിക്കിൾ ഡിപ്പാർട്ട്മെന്റിന്റെ നിർദേശപ്രകാരം എല്ലാ വാഹനങ്ങളിലും എ.ഐ.എസ് സംവിധാനമുണ്ട്.  വാഹനത്തിന്റെ ഡിക്കിയിൽ 150 - 200 ലിറ്ററിലധികം ഇടമുണ്ട് .

വലിയ കയറ്റം കയറുന്നതിൽ ഇ ഓട്ടോകൾക്ക് പ്രത്യേക കരുത്തുണ്ട്. ഉയർന്ന പവർ,ഉയർന്ന ടോർക്ക് സീറ്റ് ബെൽറ്റ് ,പോഷ് അപ്ഹോൾസ്റ്ററി , വ്യക്തിഗത സീറ്റുകൾ ,എന്നിവയാണ് മറ്റ് പ്രധാന സവിശേഷതകൾ . കെ.ആൻസലൻ എം.എൽ.എ,ഡെപ്യൂട്ടി മേയർ അഡ്വ. രാഖി രവികുമാർ,നഗരസഭ സ്ഥിരം സമിതി അധ്യക്ഷൻമാരായ പാളയം രാജൻ,എസ്.പുഷ്പലത,വഞ്ചിയൂർ പി.ബാബു, കൗൺസിലർ എസ്.ജയലക്ഷ്മി,സ്മാർട്ട് സിറ്റി സി.ഇ.ഒ പി.ബാലകിരൺ,ജനറൽ മാനേജർ സനൂപ് ഗോപീകൃഷ്ണ,കെഎഎൽ ചെയർമാൻ കരമന ഹരി,എം. ഡി ഷാജഹാൻ എന്നിവർ പങ്കെടുത്തു.

Related News

Registration Login
Sign in with social account
or
Lost your Password?
Registration Login
Sign in with social account
or
A password will be send on your post
Registration Login
Registration