ഇടതുപക്ഷത്തെ ആക്രമിക്കാന്‍ പ്രാധാന്യം നല്‍കുന്നു, ബിജെപിയെ വിമര്‍ശിക്കാന്‍ ഈ ശുഷ്‌കാന്തിയില്ല; കോണ്‍ഗ്രസിനെതിരെ പിണറായി
തിരുവനന്തപുരം: ഇടതുപക്ഷത്തെ ആക്രമിക്കാനാണ് കോണ്‍ഗ്രസ് നേതാക്കള്‍ പ്രാധാന്യം നല്‍കുന്നതെന്ന് മുഖ്യമന്ത്രി പിണറായി വിജയന്‍. ഇന്നത്തെ കോണ്‍ഗ്രസ് നാളെത്തെ ബിജെപിയാണെന്ന് പറയുന്നതില്‍ യാതൊരു അതിശയവുമില്ലെന്നും പിണറായി വിമര്‍ശിച്ചു. ഇടതുപക്ഷത്തെ കടന്നാക്രമിക്കുന്ന കോണ്‍ഗ്രസ് നേതാക്കള്‍ക്ക് ബിജെപിയാട് മൃദുസമീപനമാണെന്നും പിണറായി കുറ്റപ്പെടുത്തി.
\n
\n\"എല്‍ഡിഎഫിനെ ആക്രമിക്കാന്‍ കോണ്‍ഗ്രസ് നേതാക്കള്‍ വളരെ തല്‍പ്പരരാണ്. എന്നാല്‍, ബിജെപിയെ വിമര്‍ശിക്കാന്‍ ഈ ശുഷ്‌കാന്തിയില്ല. ബിജെപിയെ വിമര്‍ശിക്കേണ്ട അവസരം വരുമ്ബോള്‍ കോണ്‍ഗ്രസ് അതില്‍ നിന്നു ഒഴിഞ്ഞുമാറുന്നു. ഇന്നത്തെ കോണ്‍ഗ്രസാണ് നാളെത്തെ ബിജെപിയെന്ന് പറയുന്നതില്‍ ഒരു അതിശയവും തോന്നുന്നില്ല,\" പിണറായി പറഞ്ഞു.
\nരാഹുല്‍ ഗാന്ധിയുടെ പ്രസ്‌താവനയെയും പിണറായി പരിഹസിച്ചു. \"ചെറിയ ഭൂരിപക്ഷത്തില്‍ ജയിച്ചാല്‍ തങ്ങള്‍ക്ക് ഒരു സര്‍ക്കാരിനെ മുന്നോട്ടുകൊണ്ടുപോകാന്‍ സാധിക്കില്ലെന്നാണ് രാഹുല്‍ ഗാന്ധി പറഞ്ഞത്. ബിജെപി ആ സര്‍ക്കാരിനെ വിലയ്ക്കെടുക്കും, കോണ്‍ഗ്രസ് വില്‍ക്കാനും തയ്യാറായിരിക്കും. കേരളത്തിലെ ജനങ്ങള്‍ക്ക് ഇക്കാര്യം നന്നായിട്ടറിയാം,\" പിണറായി പറഞ്ഞു. \'ഉറപ്പാണ് എല്‍ഡിഎഫ്\' എന്ന ഹാഷ്‌ടാഗോടെയാണ് പിണറായി വിജയന്റെ ട്വീറ്റ്.
\n
\nഇന്ത്യയില്‍ ജനാധിപത്യം മരിച്ചുവെന്നും കഴിഞ്ഞ ആറ് വര്‍ഷമായി രാജ്യത്തെ പൊതു സംവിധാനങ്ങള്‍ക്കെതിരെ ആസൂത്രിതമായ ആക്രമണം നടക്കുകയാണെന്നും കഴിഞ്ഞ ദിവസം രാഹുല്‍ ഗാന്ധി പറഞ്ഞിരുന്നു. \"ഇന്ന്, കോണ്‍ഗ്രസ് പാര്‍ട്ടിക്ക് ഒരു തിരഞ്ഞെടുപ്പില്‍ വിജയിക്കാന്‍ താല്‍പ്പര്യമുണ്ടെങ്കില്‍, വിജയിക്കാനുള്ള ഏക മാര്‍ഗം നമുക്ക് മൂന്നില്‍ രണ്ട് ഭൂരിപക്ഷം നേടുക എന്നതാണ്. ഞങ്ങള്‍ 10-15 സീറ്റുകള്‍ക്ക് വിജയിച്ചാല്‍, അത് ഒരു വിജയമല്ല. ഇത് ഒരു നഷ്ടമാണ്, കാരണം ബിജെപി വരും, ആളുകളെ വിലയ്ക്കെടുക്കും, അവര്‍ സര്‍ക്കാര്‍ രൂപീകരിക്കും..,\" രാഹുല്‍ പറഞ്ഞു.
Related News
നിപ വ്യാപനം ഫലപ്രദമായി തടഞ്ഞു; ആശങ്കയൊഴിഞ്ഞെങ്കിലും ജാഗ്രത തുടരണം; മുഖ്യമന്ത്രി
മലമ്പുഴ രക്ഷാദൗത്യം - മുഖ്യമന്ത്രി പിണറായി വിജയന്റെ പ്രതികരണം
മുഖ്യമന്ത്രിയുടെ വാർത്താ സമ്മേളനം തൽസമയം
സിനിമാ താരം നോബിയുടെ മാതാവ് മരണപ്പെട്ടു
